Samuel II, 2:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, nyɛ wlua nyɛ, nɛ nyɛɛ pee kã. Nyɛ matsɛ Saul ɔ gbo, nɛ Yuda ma a pɔ mi nu nɛ a wo mi a nɔ matsɛ.”

Samuel II, 2:7 ပူးပေါင်းရင်းမြစ်များ

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Samuel I, 31:12

nyumuhi katsɛmɛ ɔmɛ tsuo nyɛɛ nyɔnyɔɔnyɔ kɛ ya Bet Shan ya je Saul gbogboe ɔ, kɛ e binyumu ɔmɛ a ní ɔmɛ kɛ je gbogbo ɔ he, nɛ a ngɔ mɛ kɛ ba Yabesh, nɛ a ba sã mɛ ngɛ lejɛ ɔ.

Samuel I, 31:7

Benɛ Israel bi ɔmɛ nɛ ngɛ Yezreel kɔ̃ ɔ se je, kɛ ni nɛmɛ nɛ ngɛ Yordan pa a beleku je ɔ nu kaa Israel ta a gbɛ, nɛ jehanɛ hu, Saul kɛ e binyumu ɔmɛ gbo ɔ, a tu fo kɛ je a ma amɛ a mi; nɛ Filisti bi ɔmɛ ba nɛ a ba hi lejɛ ɔmɛ.

Samuel I, 4:9

Nyɛ wlua nyɛ, nɛ nyɛɛ pee kã kaa nyumuhi; ke pi ja a, nyɛ ma ba plɛ pee Hebri bi ɔmɛ a nyɔguɛhi kaa bɔ nɛ mɛ hu a sɔmɔ nyɛ be ko mi ɔ. Lɔ ɔ he ɔ, nyɛɛ hwu ta kaa nyumuhi!”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Samuel II, 2:6

Yawɛ nɛ e na nyɛ mɔbɔ nɛ e je e mi mi himi kpo kɛ tsɔɔ nyɛ! Imi hu ma pee nyɛ kpakpa ngɛ nɔ́ nɛ nyɛ pee nɛ ɔ he.

Samuel II, 2:8

Se Saul tatsɛ Abner, Ner binyumu ɔ ku Saul binyumu Ishboshet kɛ tu fo kɛ po Yordan pa a kɛ ho Mahanaim ya.

Nehemia 2:18

Lɔ ɔ se ɔ, i sɛɛ mɛ bɔ nɛ Mawu nyɛɛ ye se, nɛ́ e piɛ ye he, kɛ nɔ́ nɛ matsɛ ɔ de mi ɔ. A he nɔ ke, “Nyɛ ha nɛ wa bɔni gbogbo ɔ fiami!” Kɛkɛ nɛ a je ní tsumi kpakpa nɛ ɔ sisi nɔuu.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”