Samuel II, 2:4 - BAIBLO ALOO NGMAMI KLƆUKLƆU Ɔ

⁴ Pee se ɔ, Yuda ma nimeli ɔmɛ ba Hebron ba pɔ David nu nɛ a wo lɛ Yuda matsɛ. Benɛ David nu kaa Yabesh Gilead bi ɔmɛ ya pu Saul ɔ,

Samuel II, 2:4 ပူးပေါင်းရင်းမြစ်များ

Samuel II, 19:11

Benɛ Matsɛ David nu nɔ́ nɛ Israel bi ɔmɛ ngɛ dee ɔ, e tsɔ osɔfo Zadok kɛ osɔfo Abiatar ke a ya nɛ a ya bi Yuda ma nimeli ɔmɛ ke, “Mɛni he je nyɛ mohu nyɛ de we kekle ke nyɛ yaa ngɔ matsɛ ɔ kɛ ba we ɔ?

Samuel II, 19:42

Yuda bi ɔmɛ de Israel bi ɔmɛ ke, “Matsɛ ɔ, wa weku no tutuutu ji lɛ. Mɛni he je nɔ́ nɛ ɔ dɔɔ nyɛ? Anɛ matsɛ ɔ jé lɛ nitsɛ e sika ko kɛ pee niye ní ha wɔ nɛ wa ye lo? Anɛ e ha wɔ nike ní ko lo?”

Samuel II, 2:11

Nɛ David ye matsɛ ngɛ Hebron kɛ ha Yuda wɛtso ɔ jeha kpaago kɛ nyɔhiɔ ekpa.

Samuel II, 2:7

Lɔ ɔ he ɔ, nyɛ wlua nyɛ, nɛ nyɛɛ pee kã. Nyɛ matsɛ Saul ɔ gbo, nɛ Yuda ma a pɔ mi nu nɛ a wo mi a nɔ matsɛ.”

Samuel II, 21:11

Benɛ a ya bɔ David nɔ́ nɛ Aya biyo Rizpa, Saul plã a pee ɔ,

Samuel II, 21:12

e ho nɛ e ya ngɔ Saul kɛ e bi Yonatan a wuhi ngɛ Yabesh Gilead bi ɔmɛ a dɛ. Ligbi ɔ nɛ Filisti bi ɔmɛ gbe Saul ngɛ Gilboa, nɛ a ngɔ e kɛ Yonatan kpla si ngɛ a kpe he ɔ ngɛ Bet Shan ɔ, Yabesh Gilead bi ɔmɛ ya ju mɛ.

Samuel II, 5:17

Benɛ Filisti bi ɔmɛ nu kaa a pɔ David nu nɛ a wo lɛ Israel matsɛ ɔ, mɛ tsuo pɛpɛɛpɛ a ba nɛ a ba hla lɛ nɛ a nu lɛ. Se David nu he nɛ e ya sɛ e mɔ nguaa a mi.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 5:5

E hi Hebron kɛ ye Yuda nɔ matsɛ jeha kpaago kɛ fa; nɛ e hi Yerusalem kɛ ye Israel kɛ Yuda tsuo a nɔ matsɛ jeha nyingmi etɛ kɛ etɛ.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Kronika I, 10:11

Benɛ Yabesh Gilead bi ɔmɛ nu nɔ́ nɛ Filisti bi ɔmɛ pee Saul ɔ,

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.