Samuel II, 2:23 - BAIBLO ALOO NGMAMI KLƆUKLƆU Ɔ

²³ Se loloolo ɔ, Asahel kplɛɛ we. Lɔ ɔ he ɔ, Abner kɛ e we akplɔ ɔ se je ɔ gbɔ Asahel muklii mi, nɛ akplɔ ɔ nya ya hia kpo ngɛ Asahel se mi. Asahel nɔ si nɛ e gbo ngɛ lejɛ ɔ nɔuu, nɛ nɔ tsuaa nɔ nɛ ba su he nɛ e fɔɔ si ngɛ ɔ, ba da si dii.

Samuel II, 2:23 ပူးပေါင်းရင်းမြစ်များ

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Samuel II, 4:6

Jamɛ a be ɔ, yo agbo nya bulɔ ɔ ngɛ ngma mi sae; se lɛ hu mahe ba wo lɛ. Lɔ ɔ he ɔ, Rekab kɛ e nyɛminyumu ɔ pee blɛuu nɛ a sɛ we ɔ mi.

Samuel II, 20:10

Nɛ pee ja a, Amasa nɛ́ klaate ɔ nɛ Yoab hɛɛ ngɛ e muɔ nine mi ɔ; kɛkɛ nɛ Yoab kɛ klaate ɔ gbɔ e muklii mi, nɛ e pã e mi ní kɛ pue zugba. E gbo amlɔ nɔuu nɛ e he hia we kaa Yoab nɛ fia lɛ nɔ́ si enyɔne hu. Lɔ ɔ se ɔ, Yoab kɛ e nyɛmi Abishai pue nɔ kɛ nyɛɛ Bikri bi Sheba a se.

Samuel II, 5:6

Matsɛ David kɛ e we bi ɔmɛ ho ya tua Yerusalem. Yebus bi ɔmɛ nɛ ji zugba a nɔ bi ɔ, de David ke, “O be nyɛe maa ba hiɛ ɔ; hɛ yuyuili kɛ akpaketsɛmɛ po maa fie mo kɛ je hiɛ ɔ.” Blɔɔ a susumi ji David be nyɛe nɛ e ya lejɛ ɔ.

Samuel II, 2:24

Jehanɛ, Yoab kɛ Abishai nyɛɛ Abner se, nɛ benɛ pu maa ho si nɔmi ya a, a ya su Ama yoku ɔ he, ngɛ Giya kasa nya, kɛ yaa Gibeon nga a nɔ.

Samuel II, 3:30

Yoab kɛ e nyɛminyumu Abishai gbe Abner, ejakaa lɛ hu e gbe a nyɛminyumu Asahel ngɛ Gibeon ta a mi.