Samuel II, 2:18 - BAIBLO ALOO NGMAMI KLƆUKLƆU Ɔ

¹⁸ Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Samuel II, 2:18 ပူးပေါင်းရင်းမြစ်များ

Kronika I, 12:8

Gad ta buli komɛ nɛ he biɛ hu ba piɛ David he ngɛ e laami he ɔ ngɛ nga a nɔ. A ji nihi nɛ a le tsɛ̃i kɛ aklɔ he ní tsumi saminya. A hɛ mi ngɛ gbeyegbeye kaa jata hɛ mi, nɛ a he sɔɔ kaa odabɔ.

Habakuk 3:19

Nyɔmtsɛ Yawɛ lɛ haa mi he wami. Lɛ nɛ haa ye nane maa si saminya kaa bayelɔ nɔ́; nɛ i naa tue mi jɔmi ngɛ yo ɔmɛ a nɔ.”

Lahi 8:14

Ye suɔlɔ, ba ye ngɔ esɔ; tuu kaa batslɔɔ kɛ ba ye ngɔ; tuu kɛ ba kaa odabɔ niheyo tuɔ ngɛ yo ɔmɛ a nɔ he nɛ tsopa kɛ e he via tsohi ngɛ ɔ.

Lahi 2:17

E haa mɛ ní hluu kɛ ya siɔ mɔtu kɔɔhiɔ bɔni fiami, nɛ je mi tsɔɔ. Kpale kɛ ba, ye suɔlɔ; kpale kɛ ba kaa batslɔɔ, kpale kɛ ba kaa oflote niheyo ngɛ Beter yo ɔmɛ a nɔ.

La 18:33

Lɛ nɛ haa nɛ ye nane nya sɔɔ kaa odabɔ nane nya. E ngɔ mi ngɔ to yo ɔmɛ a nɔ ngɛ he jɔmi mi.

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Kronika I, 11:26

Ta buli katsɛmɛ kpahi hu ji nɛ ɔmɛ nɛ: Asahel, Yoab nyɛminyumu ɔ Elhanan, Dodo nɛ je Betlehem ɔ bi ɔ Shamot nɛ je Harod ɔ Helez nɛ je Pelet ɔ Ira, Ikesh nɛ je Tekoa a bi ɔ Abiezer nɛ je Anatot ɔ Sibekai nɛ je Husha a Ilai nɛ je Aho ɔ Maharai nɛ je Netofa a Heled, Baana nɛ je Netofa a bi ɔ Itai, Ribai nɛ je Gibea ngɛ Benyamin ɔ bi ɔ Benaya nɛ je Piraton ɔ Hurai nɛ je Gaash pa amɛ a nya a Abiel nɛ je Arba a Azmavet nɛ je Bahurum ɔ Eliaba nɛ je Shaalbon ɔ Hashem nɛ je Gizon ɔ Yonatan, Shagee nɛ je Harar a bi ɔ Ahiam, Saka nɛ je Harar a bi ɔ Elifal, Hur bi ɔ Hefer nɛ je Mekera a Ahiya nɛ je Pelon ɔ Hezro nɛ je Karmel ɔ Naarai, Ezbai bi ɔ Yoel, Natan nyɛminyumu ɔ Mibhar, Hagri bi ɔ Zelek nɛ je Amon ɔ Naharai, Yoab ta hwumi ní hɛɛlɔ ɔ nɛ je Beerot ɔ Ira kɛ Gareb nɛ a je Yatir ɔ Uria, Hit no ɔ Zabad, Ahlai bi ɔ Adina, Shiza bi ɔ. (Adina ji Ruben wɛtso ɔ mi nikɔtɔma amɛ a ti nɔ kake, nɛ e ngɛ lɛ nitsɛ e ta buli nyingmi etɛ) Hanan, Maaka bi ɔ Yoshafat nɛ je Mitan ɔ Uzia nɛ je Ashtera a Shama kɛ Yeyel, Hotham nɛ je Aroer ɔ bimɛ ɔmɛ Yediael kɛ Yoha, Shimri nɛ je Tiz ɔ bimɛ ɔmɛ Eliel nɛ je Mahava a Yeribai kɛ Yoshavia, Elnaam bimɛ ɔmɛ Itma nɛ je Moab ɔ Eliel, Obed, kɛ Yaasiel nɛ a je Zoba a.

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”

Samuel II, 2:19

Asahel kɛ hɛdɔ tu fo kɛ nyɛɛ Abner se. Benɛ e nyɛɛ e se ɔ tsuo e gba we hiɔ nɔ, loo muɔ nɔ.

Samuel II, 22:34

E haa nɛ i nyɛɛɔ yoku ɔmɛ a nɔ kɛ gɛjɛmi kaa yo nɔ apletsi, nɛ i sane we nɔɛ si.

Samuel II, 23:24

Katsɛmɛ nyingmi etɛ ɔmɛ a ti ni komɛ ji: Asahel, Yoab nyɛminyumu ɔ; Elhanan, Dodo nɛ je Betlehem ɔ bi ɔ; Shama kɛ Elika nɛ a je Harod ɔ; Helez nɛ je Pelet ɔ; Tekoa no, Ikesh bi Ira; Abiezer, Anatot no ɔ; Mebunai, Husha no ɔ; Zalmon, Aho no ɔ; Maharai, Netofa no ɔ; Netofa no, Baana binyumu Heleb; Ribai nɛ je Gibea ngɛ Benyamin ɔ binyumu Itai; Benaya, Piraton no ɔ; Hidai nɛ je kɔ̃ ɔmɛ a mi ngɛ Gaash kasa nya a; Abialbon, Araba no ɔ; Azmavet, Bahurim no ɔ; Eliaba, Shaalbon no ɔ; Yashen binyumu ɔmɛ; Yonatan; Shama, Harar no ɔ; Sharar nɛ je Harar a binyumu Ahiam; Ahasbai nɛ je Maaka a binyumu Elifelet; Ahitofel nɛ je Gilo ɔ binyumu Eliam; Hezro, Karmel no ɔ; Paarai, Arab no ɔ; Natan nɛ je Zoba a binyumu Igal; Bani, Gad no ɔ; Zelek, Amon no ɔ; Naharai, Beerot no ɔ nɛ lɛ ji Zeruya bi Yoab ta hwumi ní hɛɛlɔ ɔ; Ira kɛ Gareb nɛ a je Yatir ɔ; Uria, Hit no ɔ. Katsɛmɛ ɔmɛ tsuo a yibɔ ji nyingmi etɛ kɛ kpaago.

Matsɛmɛ I, 2:5

“Jehanɛ se hu, o kai nɔ́ nɛ Yoab pee mi ɔ; bɔ nɛ e gbe Israel tatsɛmɛ enyɔ, nɛ ji Ner binyumu Abner, kɛ Yeter binyumu Amasa. O kai bɔ nɛ e gbe mɛ ngɛ tue mi jɔmi be mi kɛ to nihi nɛ mɛɛ lɛɛ a gbe ngɛ ta be mi ɔ a nya a. E pue nihi nɛ pee we yayami ko ɔ a muɔ si, nɛ nɔ́ nɛ ɔ ba pee tlomi kɛ ha imi mohu, nɛ i ngɛ nɔ́ nae ngɛ he.

Samuel II, 14:1

Zeruya binyumu Yoab ba yɔse kaa Matsɛ David ngɛ e tsui yee ngɛ Absalom he,

Kronika I, 12:9

A nya dalɔ ji Ezer, nɛ nihi nɛ ba ngɛ e se ji Obadia, Eliab, Mishmana, Yeremia, Atai, Eliel, Yohanan, Elzabad, Yeremia, kɛ Makbanai.

Kronika I, 27:7

Asafo kuu eywiɛne ɔ nyatsɛ ji Yoab nyɛmi Asahel. E we bi akpe nyingmi enyɔ kɛ eywiɛ tsuɔ ní ngɛ nyɔhiɔ eywiɛne ɔ mi daa jeha. Pee se ɔ, e bi Zabadia ba ye e se.