Samuel II, 19:43 - BAIBLO ALOO NGMAMI KLƆUKLƆU Ɔ

⁴³ Israel bi ɔmɛ he nɔ ke, “Wɛtso nyɔngma lɛ ngɛ Israel; nɛ matsɛ blɔ fa mi hu wa blɔ nya hiɛ pe nyɛ. Mɛni he je mɔ nɛ nyɛ nyɛɛ wɔ? Anɛ pi wɔ nɛ wa sɛ hlami kɛ de ke a ya ngɔ matsɛ ɔ kɛ ba lo?” A hɛɛ sane nɛ ɔ mi kɛ ya kɛ ba; se Yuda bi ɔmɛ a nya wa pe Israel bi ɔmɛ.

Samuel II, 19:43 ပူးပေါင်းရင်းမြစ်များ

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Samuel II, 5:1

Jehanɛ, Israel wɛtso ɔmɛ tsuo ba David ngɔ ngɛ Hebron nɛ a ba de lɛ ke, “O nɛ, wa nyɛmi tutuutu ji mo.

Yakobo 1:20

Mi mi fumi ha we nɛ nɔ peeɔ Mawu suɔmi nya ní.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

Galatabi 5:26

Wa ko wó wa he nɔ; wa ko wo wa sibi a mi mi la, nɛ wa hɛ ko kɔ wa sibi a nɔ hulɔ.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Romabi 12:21

Nyɛ ko ha yayami nɛ ye nyɛ nɔ, se mohu nyɛɛ ngɔ kpakpa peemi kɛ ye yayami nɔ kunimi.

Abɛ Womi 18:19

Ke o kɛ o nyɛmi pɛ ɔ, e ma plɛ e se kɛ wo mo kaa bɔ nɛ ke a kɛ dade la agbo se ngɛ mɔ mi nɛ nɔ ko nyɛ we mi sɛmi ɔ.

Abɛ Womi 17:14

Pɛ sisi jemi ngɛ kaa nyu nɛ a bli nya nɛ́ e be; lɔ ɔ he ɔ, benɛ nya sami ɔ mi wɛ lolo ɔ, moo ngmɛɛ he.

Abɛ Womi 15:1

Ke o kɛ gbi blɛuu ha munyu heto ɔ, e tsiɔ abofu nya. Se munyu gegeege haa nɔ mi mi woɔ la.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Matsɛmɛ I, 12:16

Benɛ Israel ma a tsuo na kaa matsɛ ɔ bui mɛ tue ɔ, a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ. Israel ma! Nɔ tsuaa nɔ nɛ pue lɛ nitsɛ e we mi blɔ! Nyɛ ha Rehoboam nɛ ya ye tsɛ ngɛ David we ɔ nɔ!” Kɛkɛ nɛ Israel ma a tsɔ atuã,

Samuel II, 20:6

Kɛkɛ nɛ matsɛ ɔ de Abishai ke, “Sheba ma ba hao wɔ kulaa pe Absalom tete. Ngɔɔ ye tsɔli ɔmɛ, nɛ́ nyɛɛ nyɛɛ e se; ke pi ja a, e ma ya sɛ mahi nɛ a fia gbogbo ngɔ wo a he ɔ ekomɛ a mi, nɛ e maa hao wɔ.”

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel II, 19:14

Sɛ nɛ David kɛ mane Yuda bi ɔmɛ ɔ ha a yi mi plɛ, nɛ a pee kake. Lɔ ɔ he ɔ, a tsɔ kɛ ba de matsɛ ɔ ke, “Moo kpale o se kɛ ba kɛ o tsɔli ɔmɛ tsuo.”

Samuel II, 19:9

Ngɛ Israel wɛtso ɔmɛ tsuo a mi ɔ, ni ɔmɛ kɛ a he bɔni pɛmi nɛ a ngɛ dee ke, “Matsɛ David je wɔ kɛ je wa he nyɛli ɔmɛ a dɛ mi, nɛ e kpɔ wɔ kɛ je Filisti bi ɔmɛ a dɛ mi. Se amlɔ nɛ ɔ, Absalom fie lɛ kɛ je ma a mi.

Manyadali 9:23

Kɛkɛ nɛ Mawu ha mumi yayami ko ba puɛ Abimelek kɛ Shekem bi ɔmɛ a kpɛti; nɛ Shekem bi ɔmɛ tsɔ atuã wo Abimelek.

Manyadali 8:1

Kɛkɛ nɛ Efraim bi ɔmɛ bi Gideon ke, “Mɛni o pee wɔ nɛ ɔ? Mɛni he je o ba kpee we wɔ benɛ o yaa nɛ o kɛ Midian bi ɔmɛ ya hwu ta a?” Nɛ a ka e hɛ mi saminya.