Samuel II, 19:37 - BAIBLO ALOO NGMAMI KLƆUKLƆU Ɔ

³⁷ I kpa mo pɛɛ nɛ o ngmɛ imi, o tsɔlɔ ɔ blɔ nɛ ma kpale ye se kɛ ho, nɛ ma ya gbo ngɛ imi nitsɛ ye ma mi he nɛ a pu maa, kɛ tsaatsɛ ngɛ ɔ. O nɛ, ye binyumu Kimham ji nɛ ɔ nɛ, e ma sɔmɔ mo; o kɛ lɛ nɛ ya, konɛ nɔ́ tsuaa nɔ́ nɛ sa o hɛ mi ɔ, o pee ha lɛ.”

Samuel II, 19:37 ပူးပေါင်းရင်းမြစ်များ

Yeremia 41:17

A ye Babilonia bi ɔmɛ gbeye, ejakaa Netania bi Ishmael gbe Ahikam bi Gedalia, nɔ nɛ Babilonia matsɛ ɔ nitsɛ ngɔ to a nya kaa amlaalo ɔ. Enɛ ɔ he je ɔ, a plɛ a hɛ mi ngɔ ka Egipt blɔ, konɛ a tu fo kɛ je Babilonia bi ɔmɛ a nya. Benɛ a yaa a, a ya to si ngɛ Kimham, ngɛ Betlehem kasa nya.

Matsɛmɛ I, 2:7

“Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.

Samuel II, 19:40

Benɛ matsɛ ɔ po pa a ta a, Yuda bi ɔmɛ tsuo kulaa, kɛ Israel bi ɔmɛ fa ngɔ lɛ kɛ ho Gilgal ya. Kimham hu piɛ a he.

2 Petro 1:14

I le kaa e be kɛe kulaa nɛ ma gbo kaa bɔ nɛ wa Nyɔmtsɛ Yesu Kristo je tsɔɔ mi ɔ.

2 Timoteo 4:6

Imi lɛɛ a miɔ nɛ a ngɔ mi kɛ sã bɔ. Ee, be ɔ nɛ ma je je ɔ mi ɔ su.

Matsɛmɛ I, 13:22

He nɛ Yawɛ de mo ke o ko ya ye ní, nɛ o nu nyu hu ngɛ ɔ, o kpale o se ya ye ní, nɛ o nu nyu ngɛ lejɛ ɔ. Enɛ ɔ he je ɔ, o ma gbo, nɛ a be mo pue ngɛ o weku li a yɔkɔ mi.”

Yoshua 23:14

“Jehanɛ, ye gbenɔ be su. Nyɛ ti nɔ tsuaa nɔ le ngɛ e tsui mi, kɛ e klaa mi kaa Yawɛ, nyɛ Mawu ɔ ha nyɛ ní kpakpa amɛ tsuo nɛ e wo si ke e ma ha nyɛ ɔ. E ye e si womi ɔmɛ tsuo kulaa nɔ; e si we eko.

Mose I, 50:13

A ngɔ lɛ kɛ ya Kanaan nɛ a ya pu lɛ ngɛ tɛ puɔ ɔ nɛ ngɛ Makpela zugba a nɔ ɔ mi, ngɛ Mamre kasa nya. Abraham ji nɔ nɛ he zugba nɛ ɔ ngɛ Hit no ɔ nɛ a tsɛɛ lɛ Efron ɔ dɛ, nɛ e kɛ pee gɔ.

Mose I, 48:21

Kɛkɛ nɛ Yakob de Yosef ke, “Kaa bɔ nɛ o ngɛ hyɛe ɔ, i miɔ nɛ ma gbo. Mawu kɛ nyɛ maa hi si, nɛ e maa kpale nyɛ kɛ ya nyɛ nɛmɛ a zugba a nɔ.

Mose I, 47:30

Ma suɔ nɛ a pu mi ngɛ he nɛ a pu ye nɛmɛ ɔmɛ ngɛ ɔ. Lɔ ɔ he ɔ, ke i gbo ɔ, ngɔɔ mi kɛ je Egipt, nɛ o ya pu mi ngɛ a kasa nya.” Yosef he nɔ ke, “Ma pee kaa bɔ nɛ o de ɔ.”

Samuel II, 19:36

Mɛni he je matsɛ maa pee nɔ́ kaa kikɛ nɛ ɔ kɛ to nɔ́ ko bɔbɔyoo nɛ i pee ha lɛ ɔ nane mi? Oo, ma je mo blɔ kɛ po Yordan pa a kɛkɛ.

Samuel II, 19:38

Matsɛ ɔ he nɔ ke, “Yoo, i kɛ Kimham maa ya, nɛ ma pee ha lɛ kaa bɔ nɛ o ngɛ hlae ɔ. Nɔ́ tsuaa nɔ́ nɛ o ma bi mi ɔ, ma ha mo.”

Matsɛmɛ I, 4:5

Tsɔli ɔmɛ a nyatsɛ ji Natan binyumu Azaria. Matsɛ ga wolɔ ji osɔfo Zabud, Natan binyumu ɔ.