Samuel II, 19:36 - BAIBLO ALOO NGMAMI KLƆUKLƆU Ɔ

³⁶ Mɛni he je matsɛ maa pee nɔ́ kaa kikɛ nɛ ɔ kɛ to nɔ́ ko bɔbɔyoo nɛ i pee ha lɛ ɔ nane mi? Oo, ma je mo blɔ kɛ po Yordan pa a kɛkɛ.

Samuel II, 19:36 ပူးပေါင်းရင်းမြစ်များ

Luka 6:38

Nyɛɛ ke nyɛ sibi ní, nɛ Mawu hu maa ke nyɛ ní ja nɔuu. Ee, Mawu maa ke nyɛ ní kpakpahi babauu nɛ nyɛ nine be he kpee, níhi kaa blɛfo nɛ a gbee nɔ, nɛ a sa mi, nɛ a bo ngɔ wo kotoku mi bami, nɛ e hyi tɔ kɛ be nɔ. Susumi nɔ́ nɛ nyɛɛ kɛ susuɔ nɔ́ ha ni kpahi ɔ, lɔ ɔ nɔuu a kɛ ma susu ha nyɛ.”

Samuel II, 19:35

Jeha nyingmi kpaanyɔ nɛ i ye nɛ ɔ nɛ; nɛ nɔ́ ko ha we mi bua jɔmi hu. Anɛ i ngɛ lilɛ nɛ ma kɛ le nɔ́ nɛ i yeɔ, kɛ nɔ́ nɛ i nuɔ a ngɔmi lo? Aloo i ngɛ tue nɛ a kɛ buɔ lali a gbi tue lo? Mɛni he je nɛ e sa kaa ma ba pee tlomi kɛ fɔ ye nyɔmtsɛ matsɛ nɔ kɛ mwɔɔ?

Samuel II, 19:37

I kpa mo pɛɛ nɛ o ngmɛ imi, o tsɔlɔ ɔ blɔ nɛ ma kpale ye se kɛ ho, nɛ ma ya gbo ngɛ imi nitsɛ ye ma mi he nɛ a pu maa, kɛ tsaatsɛ ngɛ ɔ. O nɛ, ye binyumu Kimham ji nɛ ɔ nɛ, e ma sɔmɔ mo; o kɛ lɛ nɛ ya, konɛ nɔ́ tsuaa nɔ́ nɛ sa o hɛ mi ɔ, o pee ha lɛ.”

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Fiɛlɔ 12:1

Lɔ ɔ he ɔ, mo kai o bɔlɔ ɔ ngɛ o nihe mi, be mi nɛ ligbi yayami ɔmɛ, kɛ jeha yayami ɔmɛ na we nɛ a ba, nɛ o ma de ke, “I be bua jɔmi ngɛ je mi.”