Samuel II, 19:30 - BAIBLO ALOO NGMAMI KLƆUKLƆU Ɔ

³⁰ Se Mefiboshet de ke, “Oo, ha nɛ e ngɔ lɛ tsuo kɛkɛ; nɛ́ ye nyɔmtsɛ matsɛ ná ba su we fiafiaafia nɛ ɔ kɛkɛ e hiɛ ha mi.”

Samuel II, 19:30 ပူးပေါင်းရင်းမြစ်များ

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Samuel II, 1:26

“Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Samuel II, 19:29

Matsɛ ɔ de lɛ ke, “E hia we kaa o pa deɔ nɔ́ ko hu. I to ye yi mi kaa o kɛ Ziba maa dla Saul zugba a fiee.”

Samuel II, 19:31

Jehanɛ Barzilai, Gilead no ɔ hu je Rogelim kɛ ba Yordan pa a nya, konɛ lɛ hu e ba po David pa.

Samuel II, 9:9

Enɛ ɔ se ɔ, matsɛ ɔ tsɛ Saul tsɔlɔ Ziba, nɛ e de lɛ ke, “I ngɔ Saul gbosi ní tsuo kɛ ngɛ o nyɔmtsɛ ɔ bibi Mefiboshet hae.

Samuel II, 19:18

A ngɔ matsɛ ɔ we mi bi ɔmɛ kɛ po pa a; nɛ nɔ́ tsuaa nɔ́ nɛ matsɛ ɔ ngɛ hlae ɔ, a pee ha lɛ. Benɛ matsɛ ɔ maa ho pa a pomi ya a, Gera binyumu Shimei ya kpla si ngɛ e hɛ mi nɛ e nu matsɛ ɔ nane,