Samuel II, 19:29 - BAIBLO ALOO NGMAMI KLƆUKLƆU Ɔ

²⁹ Matsɛ ɔ de lɛ ke, “E hia we kaa o pa deɔ nɔ́ ko hu. I to ye yi mi kaa o kɛ Ziba maa dla Saul zugba a fiee.”

Samuel II, 19:29 ပူးပေါင်းရင်းမြစ်များ

Samuel II, 19:28

Jinɛ tsaatsɛ we ɔ tsuo pɛpɛɛpɛ sa gbenɔ; se kɛ̃ o ngɔ o tsɔlɔ ɔ ngɔ piɛ nihi nɛ yeɔ ní ngɛ o we okplɔɔ ɔ he ɔ a he. Lɛɛ mɛni he blɔ i ngɛ kaa ma bi nɛnɛ ekohu ke e na mi mɔbɔ?”

Samuel II, 19:30

Se Mefiboshet de ke, “Oo, ha nɛ e ngɔ lɛ tsuo kɛkɛ; nɛ́ ye nyɔmtsɛ matsɛ ná ba su we fiafiaafia nɛ ɔ kɛkɛ e hiɛ ha mi.”

Samuel II, 9:2

Tsɔlɔ ko ngɛ Saul we ɔ mi nɛ e biɛ ji Ziba; nɛ a tsɛ lɛ kɛ ba David hɛ mi. Matsɛ ɔ bi lɛ ke, “Mo ji Ziba a lo?” Nɛ e he nɔ ke, “Ee imi, ye nyɔmtsɛ.”

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Samuel II, 9:9

Enɛ ɔ se ɔ, matsɛ ɔ tsɛ Saul tsɔlɔ Ziba, nɛ e de lɛ ke, “I ngɔ Saul gbosi ní tsuo kɛ ngɛ o nyɔmtsɛ ɔ bibi Mefiboshet hae.

La 101:5

Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 82:2

“Kɛ yaa si mɛni be lɛ nyɛ maa hyɛ nimli a hɛ mi kɛ kojo? Kɛ yaa si mɛni be lɛ nyɛ ma fi nimli yayamihi a se?

Abɛ Womi 18:13

Ke a ngɛ mo munyu tue ɔ, bu tue loko o ha heto. Ke o pee we ja a, a ma tsɛ mo kuasia, nɛ o hɛ mi ma pue si.

Ni Tsumi 18:15

Se akɛnɛ munyunguhi, kɛ biɛhi, kɛ nyɛ mlaa a he nyɛ ngɛ sane yee ngɛ nɛ ɔ, nyɛ nitsɛmɛ nyɛ ya hyɛ mi. Sanehi nɛ ngɛ kaa kikɛ nɛ ɔ, i be kojoe.”