Samuel II, 19:24 - BAIBLO ALOO NGMAMI KLƆUKLƆU Ɔ

²⁴ Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.

Samuel II, 19:24 ပူးပေါင်းရင်းမြစ်များ

Samuel II, 12:20

Kɛkɛ nɛ David te si ngɛ zugba, nɛ e ya du e he, nɛ e kpa nu, nɛ e tsake e tade ɔmɛ. Lɔ ɔ se ɔ, e ho Yawɛ we ɔ ya, nɛ e ya ja Mawu. Benɛ e kpale kɛ ba lɛ nitsɛ e we ɔ mi ɔ, e ha nɛ a pee niye ní ha lɛ, nɛ e ye.

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 16:3

Matsɛ ɔ bi lɛ ke, “O nyɔmtsɛ ɔ bibi Mefiboshet ɔ, jije e ngɛ?” Ziba he nɔ ke, “E ngɛ Yerusalem, ejakaa e susu kaa be su nɛ Israel ma a maa kpale e nɛ̃ matsɛ yemi ɔ kɛ ha lɛ.”

Samuel II, 9:11

Ziba he nɔ ke, “Nɔ́ tsuaa nɔ́ nɛ ye nyɔmtsɛ matsɛ fa mi ke ma pee ɔ, ma pee.” Lɔ ɔ he ɔ, Mefiboshet ya yeɔ ní ngɛ Matsɛ David okplɔɔ ɔ he kaa matsɛbi.

Matsɛmɛ I, 2:8

“Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yeremia 41:5

nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.