Samuel II, 19:22 - BAIBLO ALOO NGMAMI KLƆUKLƆU Ɔ

²² Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Samuel II, 19:22 ပူးပေါင်းရင်းမြစ်များ

Samuel II, 16:10

Se matsɛ ɔ de Abishai, kɛ e nyɛminyumu Yoab ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he? Ke Yawɛ nɛ de lɛ ke e gbiɛ mi, nɛ e ngɛ mi gbiɛe ɔ, mɛnɔ ngɛ he blɔ nɛ e biɔ ke mɛni he je e ngɛ ja pee lo?”

Samuel I, 11:13

Se Saul de ke, “Dɛbi, a be nɔ ko nɔ ko gbee mwɔnɛ ɔ, ejakaa mwɔnɛ ligbi nɛ ɔ, Yawɛ he Israel yi wami.”

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Yesaya 16:5

Jehanɛ David nina ko ma ba ye matsɛ. Anɔkuale yemi kɛ suɔmi e kɛ maa ye ma a nɔ. E maa pee nɔ́ nɛ da; nɛ e maa ye dami sane.

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”

Samuel II, 16:9

Kɛkɛ nɛ Abishai nɛ e nyɛ biɛ ji Zeruya a, bi matsɛ ɔ ke, “Ye nyɔmtsɛ matsɛ, mɛni he je nɛ o ngmɛ blɔ nɛ gbe gbogboe nɛ ɔ ngɛ mo gbiɛe kikɛ nɛ ɔ? Ha nɛ ma ya nɛ ma ya po e yi.”

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”

Samuel I, 26:11

Yawɛ hiɔ kaa nɔmlɔ nɛ lɛ, Yawɛ nitsɛ e wo lɛ matsɛ ɔ, ma pue e muɔ si. Ha waa kɛ̃ akplɔ ɔ nɛ ngɛ e yi tetle mi ɔ, kɛ nyu kɛ kplu ɔ, nɛ waa ho.”

Samuel II, 16:5

Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.