Samuel II, 19:19 - BAIBLO ALOO NGMAMI KLƆUKLƆU Ɔ

¹⁹ nɛ e de lɛ ke, “Nɛnɛ, yayami nɛ i pee mo ligbi ɔ nɛ o je Yerusalem ɔ, i kpa mo pɛɛ nɛ o kɛ pa mi. Mo ko ngɔ kɛ to ha mi, nɛ mo ko kai hu gblegbleegble.

Samuel II, 19:19 ပူးပေါင်းရင်းမြစ်များ

Samuel II, 13:20

Benɛ e nyɛminyumu Absalom na lɛ ɔ, e bi lɛ ke, “Anɛ o nyɛminyumu Amnon ta o he lo? Ye nyɛmiyo, mo ma o nya kɛkɛ; mo ko ye o tsui, ejakaa o nyɛminyumu ji lɛ.” Tamar hi si mɔbɔmɔbɔ ngɛ e nyɛminyumu Absalom we ɔ mi.

Samuel II, 13:33

Lɔ ɔ he ɔ, ye nyɔmtsɛ matsɛ nɛ e ko ye e tsui kaa matsɛbinyumu ɔmɛ tsuo pɛpɛɛpɛ gbo; ejakaa Amnon nɔ kake pɛ ji nɔ nɛ a gbe ɔ nɛ.”

Samuel II, 19:18

A ngɔ matsɛ ɔ we mi bi ɔmɛ kɛ po pa a; nɛ nɔ́ tsuaa nɔ́ nɛ matsɛ ɔ ngɛ hlae ɔ, a pee ha lɛ. Benɛ matsɛ ɔ maa ho pa a pomi ya a, Gera binyumu Shimei ya kpla si ngɛ e hɛ mi nɛ e nu matsɛ ɔ nane,

La 32:2

A gbaa nɔ nɛ Yawɛ nɛ yayami ko ngɛ e he; nɔ nɛ sisi we nɔ.

La 79:8

Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

Fiɛlɔ 10:4

Ke o nɔ yelɔ mi mi fu mo ɔ, koo je o ní tsumi he ɔ; he si bami gbeɔ sanehi nɛ he wa a nya la.

Yesaya 43:25

Se imi nɔuu ji Mawu nɛ ngɔɔ o he yayami ngɔ paa mo. I be o he yayami ɔmɛ kaie hu.

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Mose IV, 12:11

e de Mose ke, “Ye nyɔmtsɛ, i kpa mo pɛɛ, koo gbla wa tue ngɛ kuasia nɛ wa je, kɛ yayami nɛ wa pee nɛ ɔ he.

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Samuel I, 22:15

Anɛ mwɔnɛ ɔ nɛ i bɔni Mawu ga womi bimi kɛ lɛ hami lo? Dɛbi! Nɛnɛ, koo po sane ngɔ fɔ o tsɔlɔ, loo o tsɔlɔ weku li a nɔ; ejakaa i li nɔ́ nɛ ɔ he nɔ ko kulaa.”

Samuel I, 25:25

Ye nyɔmtsɛ, i kpa mo pɛɛ, mo ko di Nabal yaka nɔmlɔ nɛ ɔ; ejakaa bɔ nɛ e biɛ ngɛ ɔ, ja nɛ lɛ nɔmlɔ ɔ ngɛ. E biɛ Nabal ɔ sisi ji kuasia; nɛ kuasiahi a sane nɛ e yeɔ. Se imi, o mawayo ɔ, nihewi ɔmɛ nɛ ye nyɔmtsɛ ɔ tsɔ kɛ ba a, i nɛ mɛ.

Samuel I, 26:21

Saul he nɔ ke, “I tɔ̃! Ye bi David, moo kpale kɛ ba; i be mo nɔ́ ko nɔ́ ko pee hu, ejakaa o kɛ ye wami ke mi mwɔnɛ ligbi nɛ ɔ. I je kuasia nɛ i tɔ̃ babauu.”