Samuel II, 19:18 - BAIBLO ALOO NGMAMI KLƆUKLƆU Ɔ

¹⁸ A ngɔ matsɛ ɔ we mi bi ɔmɛ kɛ po pa a; nɛ nɔ́ tsuaa nɔ́ nɛ matsɛ ɔ ngɛ hlae ɔ, a pee ha lɛ. Benɛ matsɛ ɔ maa ho pa a pomi ya a, Gera binyumu Shimei ya kpla si ngɛ e hɛ mi nɛ e nu matsɛ ɔ nane,

Samuel II, 19:18 ပူးပေါင်းရင်းမြစ်များ

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

La 81:15

Jinɛ ni nɛmɛ nɛ sume imi, Yawɛ ɔ, a kpla si ngɛ ye hɛ mi, nɛ a ngɛ a tue gblae kɛ yaa neneene.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Samuel I, 22:15

Anɛ mwɔnɛ ɔ nɛ i bɔni Mawu ga womi bimi kɛ lɛ hami lo? Dɛbi! Nɛnɛ, koo po sane ngɔ fɔ o tsɔlɔ, loo o tsɔlɔ weku li a nɔ; ejakaa i li nɔ́ nɛ ɔ he nɔ ko kulaa.”

Samuel II, 19:17

Nyumuhi akpe nɛ je Benyamin wɛtso ɔ mi ɔ piɛ e he kɛ ho. Ziba nɛ ji tsɔlɔ ngɛ Saul we ɔ mi ɔ, lɛ hu e kɛ e bimɛ nyɔngma kɛ enuɔ ɔmɛ, kɛ e tsɔli nyingmi enyɔ ɔmɛ ho Yordan pa a nya ya loko matsɛ ɔ ya su lejɛ ɔ.

Samuel II, 19:19

nɛ e de lɛ ke, “Nɛnɛ, yayami nɛ i pee mo ligbi ɔ nɛ o je Yerusalem ɔ, i kpa mo pɛɛ nɛ o kɛ pa mi. Mo ko ngɔ kɛ to ha mi, nɛ mo ko kai hu gblegbleegble.

Matsɛmɛ I, 2:8

“Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

Samuel II, 9:2

Tsɔlɔ ko ngɛ Saul we ɔ mi nɛ e biɛ ji Ziba; nɛ a tsɛ lɛ kɛ ba David hɛ mi. Matsɛ ɔ bi lɛ ke, “Mo ji Ziba a lo?” Nɛ e he nɔ ke, “Ee imi, ye nyɔmtsɛ.”

Samuel II, 9:10

Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.

Samuel II, 19:30

Se Mefiboshet de ke, “Oo, ha nɛ e ngɔ lɛ tsuo kɛkɛ; nɛ́ ye nyɔmtsɛ matsɛ ná ba su we fiafiaafia nɛ ɔ kɛkɛ e hiɛ ha mi.”