Samuel II, 19:13 - BAIBLO ALOO NGMAMI KLƆUKLƆU Ɔ

¹³ David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 19:13 ပူးပေါင်းရင်းမြစ်များ

Samuel II, 17:25

Absalom pee Amasa tatsɛ nɔkɔtɔma ngɛ Yoab nane mi. Amasa nɛ ɔ, Israel no ko nɛ a tsɛɛ lɛ Itra a bi ji lɛ. E nyɛ Abigail, nɛ ji Yoab nyɛ Zeruya nyɛmiyo ɔ, Nahash biyo ji lɛ.

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Samuel II, 8:16

Yoab, nɛ e nyɛ biɛ ji Zeruya a, ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Rut Womi 1:17

He nɛ o ma gbo ngɛ ɔ, lejɛ ɔ ma gbo ngɛ, nɛ lejɛ ɔ nɔuu a maa pu mi ngɛ. Ja gbenɔ pɛ lɛ ma ha nɛ ma si mo; ke pi ja lɛɛ Yawɛ kɛ mi nɛ ye sisiisi.”

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Samuel II, 18:11

Yoab bi nɔ nɛ ba bɔ lɛ amaniɛ ɔ ke, “Nɛ́ o na lɛ ɔ, mɛni he je o fiɛ lɛ nɔ ngɛ lejɛ ɔ nɛ e nɔ si? Jinɛ ye blɔ nya ji ma ha mo sika hiɔ yi nyɔngma, kɛ mlɛ mi fimi nɔ́ ko.”

Mose I, 29:14

Laban de ke, “Niinɛ, imi nitsɛ ye nyɛmi tutuutu ji mo!” Yakob hi Laban ngɔ hlami kake.

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Samuel II, 5:1

Jehanɛ, Israel wɛtso ɔmɛ tsuo ba David ngɔ ngɛ Hebron nɛ a ba de lɛ ke, “O nɛ, wa nyɛmi tutuutu ji mo.

Samuel II, 20:4

Matsɛ ɔ de Amasa ke, “Yaa nɛ o ya bua Yuda bi ɔmɛ tsuo a nya, nɛ hiɛmɛ nɛ ɔ ligbi etɛ ɔ, o kɛ mɛ nɛ ba hiɛ ɔ.”