Samuel II, 19:10 - BAIBLO ALOO NGMAMI KLƆUKLƆU Ɔ

¹⁰ Absalom ɔ nɛ wa pɔ lɛ nu nɛ wa wo lɛ matsɛ ɔ, lɛ hu e gbo ngɛ ta mi. Mɛni he je nɔ ko yɛ nɛ e ya ngɔ Matsɛ David ɔ kɛ ba mɔ?”

Samuel II, 19:10 ပူးပေါင်းရင်းမြစ်များ

Samuel II, 15:14

David de e tsɔli ɔmɛ tsuo nɛ e kɛ mɛ ngɛ Yerusalem ɔ ke, “Nyɛɛ te si nɛ waa tu fo; ke pi ja lɛɛ Absalom nine maa su wa nɔ. Nyɛ ha nɛ waa ho esɔ nɛ e ko ba na wɔ tlukaa. Ke e ba mi ja lɛɛ sane yobu maa ye wɔ, nɛ e kɛ klaate ma kpata ma a hɛ mi.”

Samuel II, 15:16

Kɛkɛ nɛ matsɛ ɔ te, nɛ e kɛ e tsɔli ɔmɛ, kɛ e we bi ɔmɛ tsuo pue blɔ. E si e plahi nyɔngma pɛ ngɛ se nɛ a hi we ɔ nɔ hyɛe.

Samuel II, 18:14

Yoab de lɛ ke, “I pa be be ko puɛe ngɛ o he hu.” Kɛkɛ nɛ e ya ngɔ akplɔ etɛ, nɛ e fɔ kɛ gbɔ Absalom gugue mi, be mi nɛ e kplaa si ngɛ tso ɔ mi nɛ e gbo we lolo ɔ.

Samuel II, 19:11

Benɛ Matsɛ David nu nɔ́ nɛ Israel bi ɔmɛ ngɛ dee ɔ, e tsɔ osɔfo Zadok kɛ osɔfo Abiatar ke a ya nɛ a ya bi Yuda ma nimeli ɔmɛ ke, “Mɛni he je nyɛ mohu nyɛ de we kekle ke nyɛ yaa ngɔ matsɛ ɔ kɛ ba we ɔ?

Samuel II, 19:40

Benɛ matsɛ ɔ po pa a ta a, Yuda bi ɔmɛ tsuo kulaa, kɛ Israel bi ɔmɛ fa ngɔ lɛ kɛ ho Gilgal ya. Kimham hu piɛ a he.

Samuel II, 19:9

Ngɛ Israel wɛtso ɔmɛ tsuo a mi ɔ, ni ɔmɛ kɛ a he bɔni pɛmi nɛ a ngɛ dee ke, “Matsɛ David je wɔ kɛ je wa he nyɛli ɔmɛ a dɛ mi, nɛ e kpɔ wɔ kɛ je Filisti bi ɔmɛ a dɛ mi. Se amlɔ nɛ ɔ, Absalom fie lɛ kɛ je ma a mi.

Hosea 8:4

“Ye ma a wo matsɛmɛ nɛ i li he nɔ́ ko. A hla ma nimeli hu nɛ a bi we mi gbi. A ngɔ sika hiɔ, kɛ sika tsu kɛ puɛ amagahi nɛ ma kpata mɛ nitsɛmɛ a hɛ mi.

Manyadali 18:9

A he nɔ ke, “Nyɛ ha waa ho nɛ wa ya tua mɛ! Wa ya hyɛ zugba a, nɛ e hi saminya. Anɛ nyɛ maa hi si gu, nɛ nyɛ be nɔ́ ko pee ngɛ he lo? Nyɛɛ ya nɛ nyɛ ya ngɔ zugba a nɔuu!