Samuel II, 19:1 - BAIBLO ALOO NGMAMI KLƆUKLƆU Ɔ

¹ A ya bɔ Yoab amaniɛ ke matsɛ ɔ ngɛ ya foe, nɛ e ngɛ kɔmɔ yee ha Absalom.

Samuel II, 19:1 ပူးပေါင်းရင်းမြစ်များ

Samuel II, 18:14

Yoab de lɛ ke, “I pa be be ko puɛe ngɛ o he hu.” Kɛkɛ nɛ e ya ngɔ akplɔ etɛ, nɛ e fɔ kɛ gbɔ Absalom gugue mi, be mi nɛ e kplaa si ngɛ tso ɔ mi nɛ e gbo we lolo ɔ.

Samuel II, 18:5

Matsɛ ɔ ka Yoab kɛ Abishai kɛ Itai kita ke, “Ye he ɔ, nyɛɛ kɛ niheyo Absalom ɔ nɛ ye blɛuu.” Benɛ matsɛ ɔ ngɛ e tatsɛmɛ ɔmɛ kita kae ngɛ Absalom he ɔ, tabo ɔmɛ tsuo nu.

Abɛ Womi 17:25

Bi kuasia haa e tsɛ yeɔ tsui, nɛ e haa e nyɛ yeɔ kɔmɔ.

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Samuel II, 18:20

Se Yoab de lɛ ke, “Dɛbi! Ko ya bɔ lɛ amaniɛ mwɔnɛ ligbi nɛ ɔ. Ligbi kpa konɛ o ya bɔ lɛ amaniɛ ɔ, se pi mwɔnɛ ɔ; ejakaa matsɛbi ɔ yi ta.”

Samuel II, 18:12

Se nyumu ɔ de Yoab ke, “Kpaoo! Ke o ha mi sika hiɔ yi akpe po, i be ye nine nɔ woe ngɛ matsɛbi ɔ nɔ; ejakaa wa hɛ mi nɛ matsɛ ɔ ka mo, kɛ Abishai, kɛ Itai kita ngɛ ke, ‘Ye he ɔ, nyɛ ko ye niheyo Absalom ɔ awi.’

Samuel II, 19:2

Lɔ ɔ he ɔ, jamɛ a ligbi ɔ manye yemi ɔ plɛ pee kɔmɔ yemi kɛ ha ma a tsuo; ejakaa ma a nu jamɛ a ligbi ɔ kaa matsɛ ɔ ngɛ kɔmɔ yee ha e bi ɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.