Samuel II, 18:33 - BAIBLO ALOO NGMAMI KLƆUKLƆU Ɔ

³³ Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Samuel II, 18:33 ပူးပေါင်းရင်းမြစ်များ

Samuel II, 19:4

Matsɛ ɔ kɛ nɔ́ ha e hɛ mi, nɛ e fo ya boboobo, nɛ e de ke, “Ao ye bi ɔ! Ye bi Absalom! Ye bi Absalom!”

Abɛ Womi 17:25

Bi kuasia haa e tsɛ yeɔ tsui, nɛ e haa e nyɛ yeɔ kɔmɔ.

Abɛ Womi 10:1

Salomo abɛhi ji nɛ ɔmɛ nɛ: Bi ní lelɔ haa e tsɛ bua jɔmi; bi kuasia yeɔ e nyɛ tsui.

La 103:13

Bɔ nɛ tsɛ mi mi sãã lɛ ngɛ e bimɛ a he ɔ, ja lɛ Yawɛ hu mi mi sãã lɛ ngɛ nihi nɛ yeɔ lɛ gbeye ɔ a he.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Yakobo 5:17

Eliya a, nɔmlɔ adesa ji lɛ kaa wɔ nɔuu. E sɔle kɛ hɛdɔ ke hiɔmi kó nɛ; nɛ hiɔmi nɛ́ ngɛ zugba a nɔ jeha etɛ kɛ nyɔhiɔ ekpa sɔuu.

Mose I, 21:11

Nɔ́ nɛ ɔ hao Abraham wawɛɛ nitsɛ, ejakaa Ishmael ɔ hu e bi ji lɛ.

Samuel II, 14:1

Zeruya binyumu Yoab ba yɔse kaa Matsɛ David ngɛ e tsui yee ngɛ Absalom he,

Samuel II, 19:1

A ya bɔ Yoab amaniɛ ke matsɛ ɔ ngɛ ya foe, nɛ e ngɛ kɔmɔ yee ha Absalom.