Samuel II, 18:28 - BAIBLO ALOO NGMAMI KLƆUKLƆU Ɔ

²⁸ Ahimaaz kpa ngmlaa nɛ e de matsɛ ɔ ke, “Manye oo, manye!” Kɛkɛ nɛ e ba kpla si ngɛ matsɛ ɔ hɛ mi nɛ e kɛ e hɛ mi bu si, nɛ e de ke, “Nɛnɛ! A je Yawɛ, o Mawu ɔ yi. Nihi nɛ te si ngɔ wo mo ɔ, Yawɛ ha o ye a nɔ.”

Samuel II, 18:28 ပူးပေါင်းရင်းမြစ်များ

Samuel II, 14:4

Benɛ Tekoa yo ɔ ba matsɛ ɔ ngɔ ɔ, e kpla si nɛ e kɛ e hɛ mi bu si, nɛ e de ke, “Nɛnɛ lee! Moo ye bua mi!”

Mose I, 14:20

Mawu Hiɔwe No nɛ ha o ye o he nyɛli ɔmɛ a nɔ ɔ, a je e yi!” Abram ha Melkizedek niha ní nɛ e ya kpɔ ɔ tsuo mi dlami nyɔngma mi kake.

La 124:6

Nyɛ ha waa na Yawɛ si; ejakaa e ha we nɛ wa plɛ pee wa he nyɛli ɔmɛ a lungu nya lo!

La 115:1

Yawɛ, pi wɔ oo, pi wɔ, se mo nɛ o sa hɛ mi nyami; ejakaa o suɔmi ngɛ daa, nɛ o we anɔkuale yemi hu be nyagbe.

La 31:8

O ngɔɛ mi kɛ wui he nyɛli a dɛ mi; o ha mi he jɔmi, nɛ i yaa he tsuaa he nɛ i suɔ.

Kronika II, 20:26

Ligbi nɛ ji eywiɛ ɔ, a ya bua a he nya ngɛ Beraka kɔ̃ ɔ mi, nɛ a je Yawɛ yi ngɛ nɔ́ nɛ e tsu ha mɛ ɔ he. Enɛ ɔ he je nɛ a tsɛɛ jamɛ a kɔ̃ ɔ ke “Beraka” a nɛ.

Samuel II, 22:27

Nihi nɛ a he tsɔ ɔ, o tsɔɔ mɛ kaa o he tsɔ; se ni nɛmɛ nɛ a yi mi wa lɛɛ o kɛ mɛ toɔ ní.

Samuel II, 1:2

Ligbi etɛne ɔ, nyumu ko je Saul ta a mi kɛ ba. E hía e tade ɔmɛ ngɛ e he, nɛ e ngɔ zu ngɔ pue e yi mi kɛ tsɔɔ kaa e ngɛ kɔmɔ yee. E ba David ngɔ, nɛ e kɛ bumi ba kpla si ngɛ e hɛ mi.

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”

Samuel I, 24:18

Mwɔnɛ ɔ, o na mi mɔbɔ agbo; ejakaa be mi nɛ Yawɛ je mi kɛ wo o dɛ mi ɔ, o gbi mi.

Mose I, 24:27

E de ke, “A je Yawɛ, ye nyɔmtsɛ Abraham Mawu ɔ yi, kaa e na ye nyɔmtsɛ ɔ mɔbɔ, nɛ e ye si nɛ e wo lɛ ɔ nɔ. Yawɛ kpaka mi tɛɛ kɛ ba ye nyɔmtsɛ ɔ weku li a ngɔ.”

Mose II, 18:10

nɛ e de ke, “A je Yawɛ, nɔ nɛ je nyɛ kɛ je Farao ɔ kɛ Egipt bi ɔmɛ a dɛ mi ɔ yi.

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,

Samuel I, 25:23

Benɛ Abigail na David ɔ, e kple si kɛ je teji ɔ nɔ esɔesɔ, nɛ e ya kpla si ngɛ David hɛ mi nɛ e kɛ e hɛ mi bu si ngɛ zugba