Samuel II, 18:27 - BAIBLO ALOO NGMAMI KLƆUKLƆU Ɔ

²⁷ Bulɔ ɔ de ke, “E peeɔ mi kaa nɔ nɛ ngɛ hɛ mi ɔ ngɛ fo tue kaa Zadok bi Ahimaaz.” Matsɛ ɔ de ke, “Nɔmlɔ kpakpa ji lɛ, nɛ e hɛɛ manye munyu kɛ ma.”

Samuel II, 18:27 ပူးပေါင်းရင်းမြစ်များ

Matsɛmɛ II, 9:20

Bulɔ ɔ ya bɔ matsɛ ɔ amaniɛ ekohu ke, “Tsɔlɔ ɔ ya su a ngɔ, se e kpale we e se kɛ bɛ hu. Jehanɛ hu, nɔ nɛ hɛɛ ta zugba lɛ ɔ ngɛ e ní pee gidigidi kaa Nimshi bibi Yehu.”

Matsɛmɛ I, 1:42

E nya na we nɛ e nɔ si nɛ osɔfo Abiatar bi Yonatan ba hia kpo ngɛ lejɛ ɔ. Adoniya de lɛ ke, “O le bami! Ma mi nɔkɔtɔma ji mo; be nɛ ɔ mi piɔ ɔ, o hɛɛ manye munyu kɛ ba.”

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Yesaya 52:7

Mɛni ji afɛu! Nyɛɛ hyɛ manye munyu fiɛlɔ ko nyɛɛ yo ɔmɛ a nɔ kɛ ma; e hɛɛ manye munyu sɔuu; manye munyu ɔ kɔɔ tue mi jɔmi he! E ngɛ fiɛe ke a ye kunimi, nɛ e ngɛ Zion dee ke, “O Mawu ɔ ngɛ matsɛ yee!”

Abɛ Womi 25:25

Ke o nu manye munyu kɛ je ma se ɔ, e ngɛ kaa nɔ́ nɛ o ná nyu nɛ mi jɔ nɛ o kɛ maa gbe kuma.

Abɛ Womi 25:13

Tsɔlɔ nɛ yeɔ anɔkuale ɔ, e haa e nyɔmtsɛmɛ a tsui nɔɔ a mi kaa bɔ nɛ nyu nganii jɔɔ nɔ tsui he latsa be mi ke a ngɛ ní kpae ɔ.

Samuel II, 18:26

Bulɔ ɔ na nɔ kpa ko nɛ lɛ hu e ngɛ fo tue kɛ ma. Bulɔ ɔ kpa ngmlaa kɛ je agbo ɔ yi mi he nɛ e daa si ngɛ ɔ, nɛ e de ke, “Hyɛ, nɔ kpa ko hu ji nɛ ɔ nɛ lɛ nɔ kake too e ngɛ fo tue kɛ ma!” Matsɛ ɔ de ke, “Lɛ hu e hɛɛ amaniɛ kɛ ma.”