Samuel II, 18:22 - BAIBLO ALOO NGMAMI KLƆUKLƆU Ɔ

²² Ahimaaz, Zadok bi ɔ kpale de Yoab ke, “Nɔ́ nɛ maa ba nɛ e ba! Ha nɛ imi hu ma gbɔ fo kɛ nyɛɛ Kush no ɔ se.” Yoab de lɛ ke, “Ye bi, mɛni he je nɛ o ngɛ hlae doo kaa mo hu o maa ya a? O be hiɔwo ko nae ngɛ sɛ gbi nɛ ɔ nɛ o kɛ maa ya a he oo!”

Samuel II, 18:22 ပူးပေါင်းရင်းမြစ်များ

Efesobi 5:4

E sɛ kaa yakayaka munyu, loo kuasiahi a munyu, loo fɛu yemi munyu nɛ sɛ́ jeɔ nyɛ nya. Se mohu nyɛɛ na Mawu si ngɛ nɔ́ nɛ e pee ha nyɛ ɔ he.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Samuel II, 18:21

Kɛkɛ nɛ Yoab de nyumu ko nɛ je Kush ɔ ke, “Yaa nɛ o ya bɔ matsɛ ɔ nɔ́ nɛ o na kɛ o hɛngmɛ.” Kush no ɔ kpla si ngɛ Yoab hɛ mi, kɛkɛ nɛ e sa fo kɛ je.

Samuel II, 18:23

Se Ahimaaz de ke, “Nɔ́ nɛ maa ba nɛ e ba! Ma gbɔ fo kɛ ya!” Yoab de lɛ ke, “Moo ya koo!” Kɛkɛ nɛ Ahimaaz wo fo kɛ gu nga a nɔ blɔ, nɛ e ya be Kush no ɔ nya.

Samuel II, 18:29

Matsɛ ɔ bi lɛ ke, “Niheyo Absalom ɔ ngɛ saminya lo?” Ahimaaz he nɔ ke, “Benɛ o tsɔlɔ Yoab tsɔ mi ɔ, i na kaa lejɛ ɔ pee gidigidi wawɛɛ nitsɛ; se i li nɔ́ nɛ ba.”

Matsɛmɛ I, 11:22

Farao ɔ bi lɛ ke, “Mɛni he je o ngɛ hlae nɛ o kpale kɛ ya mo nitsɛ o ma mi ɔ? Mɛni ngɛ mo hiae?” Hadad he nɔ ke, “Oo, nɔ́ ko hia we mi; ha nɛ ma ya kɛkɛ.”