Samuel II, 18:20 - BAIBLO ALOO NGMAMI KLƆUKLƆU Ɔ

²⁰ Se Yoab de lɛ ke, “Dɛbi! Ko ya bɔ lɛ amaniɛ mwɔnɛ ligbi nɛ ɔ. Ligbi kpa konɛ o ya bɔ lɛ amaniɛ ɔ, se pi mwɔnɛ ɔ; ejakaa matsɛbi ɔ yi ta.”

Samuel II, 18:20 ပူးပေါင်းရင်းမြစ်များ

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Samuel II, 18:29

Matsɛ ɔ bi lɛ ke, “Niheyo Absalom ɔ ngɛ saminya lo?” Ahimaaz he nɔ ke, “Benɛ o tsɔlɔ Yoab tsɔ mi ɔ, i na kaa lejɛ ɔ pee gidigidi wawɛɛ nitsɛ; se i li nɔ́ nɛ ba.”

Samuel II, 18:27

Bulɔ ɔ de ke, “E peeɔ mi kaa nɔ nɛ ngɛ hɛ mi ɔ ngɛ fo tue kaa Zadok bi Ahimaaz.” Matsɛ ɔ de ke, “Nɔmlɔ kpakpa ji lɛ, nɛ e hɛɛ manye munyu kɛ ma.”

Samuel II, 18:5

Matsɛ ɔ ka Yoab kɛ Abishai kɛ Itai kita ke, “Ye he ɔ, nyɛɛ kɛ niheyo Absalom ɔ nɛ ye blɛuu.” Benɛ matsɛ ɔ ngɛ e tatsɛmɛ ɔmɛ kita kae ngɛ Absalom he ɔ, tabo ɔmɛ tsuo nu.

Samuel II, 18:19

Kɛkɛ nɛ Zadok bi Ahimaaz de Yoab ke, “Ha nɛ ma tu fo nɛ ma ya bɔ matsɛ ɔ amaniɛ kaa Yawɛ wo lɛ nguɔ, nɛ e je lɛ kɛ je e he nyɛli ɔmɛ a dɛ mi.”

Samuel II, 18:21

Kɛkɛ nɛ Yoab de nyumu ko nɛ je Kush ɔ ke, “Yaa nɛ o ya bɔ matsɛ ɔ nɔ́ nɛ o na kɛ o hɛngmɛ.” Kush no ɔ kpla si ngɛ Yoab hɛ mi, kɛkɛ nɛ e sa fo kɛ je.

Samuel II, 19:1

A ya bɔ Yoab amaniɛ ke matsɛ ɔ ngɛ ya foe, nɛ e ngɛ kɔmɔ yee ha Absalom.