Samuel II, 18:2 - BAIBLO ALOO NGMAMI KLƆUKLƆU Ɔ

² Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”

Samuel II, 18:2 ပူးပေါင်းရင်းမြစ်များ

Manyadali 7:16

E dla nyumuhi lafa etɛ ɔmɛ kɛ wo kuu etɛ mi, nɛ e ha nɔ tsuaa nɔ titimati, kɛ kplu mi gu nɛ jatɛ hɔɔ si ngɛ mi.

La 3:6

Ke nimli akpeakpe abɔ ba sa ye yi kɛ kpe po, i yi mɛ gbeye.

Samuel II, 17:11

Imi lɛɛ, ga nɛ ma wo mo ji kaa o ha nɛ a bua Israel tsuo nya ha mo kɛ je Dan kɛ yaa si Beersheba. A he nɛ hiɛ babauu kaa wo nya zia, nɛ mo nitsɛ o nyɛɛ a hɛ mi kɛ ya ta a.

Samuel I, 11:11

E nɔ jena a, Saul gba ma a mi kɛ wo tabo etɛ a mi. Makɛ ɔ, a ya sɛ he nyɛli ɔmɛ a ta a mi, nɛ a tua Amon bi ɔmɛ. A gbe Amon hluu kɛ ya si be nɛ pu da. Ni nɛmɛ nɛ piɛ ɔ gbɛ fĩa, nɛ o be a ti nihi enyɔ po nae ngɛ he kake.

Manyadali 9:43

e dla e we bi ɔmɛ a mi kuu etɛ, nɛ e ngɔ mɛ kɛ ya wo ka ngɛ nga a nɔ. Benɛ e na kaa ni ɔmɛ je ma a mi kɛ ma a, e je kpo ya tua mɛ.

Manyadali 7:19

Gideon kɛ nyumuhi lafa nɛ piɛ e he ɔ ya su ta a he nyɔ mi bumi be ɔ sisi jemi, benɛ a tsake buli ɔmɛ se pɛ. A kpa titimati ɔmɛ, nɛ a ywia kplu ɔmɛ nɛ a hɛɛ ngɛ a dɛ mi ɔ.

Samuel II, 23:18

Yoab nyɛminyumu Abishai, Zeruya binyumu ɔ ji “Ni nyingmi etɛ ɔmɛ” a nyatsɛ. Lɛ nɛ e ngɔ e we akplɔ kɛ gbe nimli lafa etɛ, nɛ e kɛ ná biɛ ngɛ katsɛmɛ nyingmi etɛ ɔmɛ a kpɛti.

Matsɛmɛ I, 2:28

Yoab nu sane nɛ ba a. (Lɛɛ e fi Adoniya se, se pi Absalom). Lɔ ɔ he ɔ, e tu fo ya sɛ Yawɛ bo tsu ɔ mi ya fua bɔ sami la tɛ ɔ he koli ɔmɛ.

Samuel II, 8:16

Yoab, nɛ e nyɛ biɛ ji Zeruya a, ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Samuel II, 21:17

Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”