Samuel II, 18:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ Zadok bi Ahimaaz de Yoab ke, “Ha nɛ ma tu fo nɛ ma ya bɔ matsɛ ɔ amaniɛ kaa Yawɛ wo lɛ nguɔ, nɛ e je lɛ kɛ je e he nyɛli ɔmɛ a dɛ mi.”

Samuel II, 18:19 ပူးပေါင်းရင်းမြစ်များ

Samuel II, 15:27

Matsɛ ɔ ya nɔ nɛ e de osɔfo Zadok ke, “Hyɛ, moo kpale o se kɛ ho ma a mi ya ngɛ he jɔmi mi; mo kɛ Abiatar, kɛ o binyumu Ahimaaz, kɛ Abiatar binyumu Yonatan.

Samuel II, 15:36

A binyumu enyɔ ɔmɛ kɛ mɛ ngɛ lejɛ ɔ; mɛ ji Zadok bi Ahimaaz, kɛ Abiatar bi Yonatan. Nɔ́ tsuaa nɔ́ nɛ o maa nu ɔ, moo tsɔ mɛ nɛ a ba de mi.”

Samuel II, 17:17

Jamɛ a be ɔ, Yonatan kɛ Ahimaaz ngɛ mlɛe ngɛ Enrogel pa a he ngɛ Yerusalem kasa nya. Nɛ́ nɔ ko kó na mɛ he je ɔ, a yɛ ma a mi. Ke pee ɔ, mawayo ko kɛ sɛ gbi ya haa mɛ, kɛkɛ mɛ hu a ya de David.

Samuel II, 18:20

Se Yoab de lɛ ke, “Dɛbi! Ko ya bɔ lɛ amaniɛ mwɔnɛ ligbi nɛ ɔ. Ligbi kpa konɛ o ya bɔ lɛ amaniɛ ɔ, se pi mwɔnɛ ɔ; ejakaa matsɛbi ɔ yi ta.”

Samuel II, 18:23

Se Ahimaaz de ke, “Nɔ́ nɛ maa ba nɛ e ba! Ma gbɔ fo kɛ ya!” Yoab de lɛ ke, “Moo ya koo!” Kɛkɛ nɛ Ahimaaz wo fo kɛ gu nga a nɔ blɔ, nɛ e ya be Kush no ɔ nya.

Samuel II, 18:31

E kɛ we nɛ Kush no ɔ hu ba nɛ e ba de matsɛ ɔ ke, “Nɛnɛ, mo he manye! Mwɔnɛ ligbi nɛ ɔ, Yawɛ je mo kɛ je nihi tsuo pɛpɛɛpɛ nɛ te si ngɔ wo mo ɔ a dɛ mi.”

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

La 9:4

Ejakaa o kojoɔ ngɛ dami kɛ anɔkuale nya; o ye ye sane ɔ ha mi, nɛ o wo mi nguɔ.

Yeremia 51:31

Tsɔli babauu ngɛ fo nɔ kɛ yaa nɛ a ya bɔ Babilonia matsɛ ɔ amaniɛ ke he nyɛli ba ngɔ e ma a tsuo.

Romabi 12:19

Ye huɛmɛ, nyɛ ko ye nyɛ nitsɛmɛ nyɛ he lue, se mohu nyɛɛ ngmɛ Mawu blɔ nɛ e kɛ e mi mi la nɛ pee. Ejakaa ngmami ɔ deɔ ke, “Ye nɔ ji lue yemi; Imi ma pee kɛ to nane mi. Nyɔmtsɛ ɔ lɛ de.”