Samuel II, 18:18 - BAIBLO ALOO NGMAMI KLƆUKLƆU Ɔ

¹⁸ Benɛ Absalom ngɛ je mi ɔ, e ma kaimi titima ko kɛ ha e he ngɛ Matsɛ kɔ̃ ɔ mi; ejakaa e de ke, “I be binyumu ko nɛ a kɛ ma kai ye biɛ.” Lɔ ɔ he ɔ, e kɛ lɛ nitsɛ e biɛ wo titima a; nɛ kɛ ba si mwɔnɛ ɔ, a tsɛɛ lɛ Absalom kaimi nɔ́.

Samuel II, 18:18 ပူးပေါင်းရင်းမြစ်များ

Mose I, 11:4

A de ke, “Nyɛ ha nɛ waa po ma ngua ko ngɔ ha wa he, nɛ waa ma mɔ nɛ e yi mi nɛ ya su hiɔwe. Ke wa pee ja a, wa ma na biɛ, nɛ wa be gbɛe ngɔ fia zugba a nɔ tsuo.”

Mose I, 11:9

A wo ma a biɛ ke Babilon, ejakaa lejɛ ɔ Yawɛ tsaka ni ɔmɛ a gbi ɔ ngɛ, nɛ e gbɛ mɛ ngɔ fĩa je ɔ mi tsuo.

Mose I, 14:17

Benɛ Abram ya ye Kedorlaomer kɛ matsɛmɛ nɛ piɛ e he ɔ a nɔ kunimi nɛ e kpale e se kɛ ma a, Sodom matsɛ ba kpee lɛ ngɛ Shave Kɔ̃ ɔ nɛ e biɛ kpa ji Matsɛ Kɔ̃ ɔ mi.

Samuel II, 14:27

Absalom fɔ binyumuhi etɛ kɛ biyo kake. Yoyo ɔ biɛ ji Tamar, nɛ e he ngɛ fɛu saminya.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

La 49:11

A susuɔ kaa a we ɔmɛ, kɛ a zugba amɛ maa hi si daa; nɛ a kɛ a biɛhi woɔ zugba amɛ, se gbeje mohu ya peeɔ a hi he kɛ yaa yi nɔhi tsuo.

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Mose IV, 32:42

Noba hu ya tua Kenat kɛ kɔpehi nɛ bɔle lɛ ɔ, nɛ e kɛ lɛ nitsɛ e biɛ Noba a wo ma a.

Samuel I, 15:12

E nɔ jena mɔtu mla a, Samuel te si, konɛ e ya hla Saul. Se a de lɛ ke Saul ho Karmel, he nɛ e ma manye yemi kaimi nɔ́ kɛ ha lɛ nitsɛ e he ngɛ ɔ ya, nɛ e se kpalemi mi ɔ, e po mi kɛ ho Gilgal ya.