Samuel II, 18:17 - BAIBLO ALOO NGMAMI KLƆUKLƆU Ɔ

¹⁷ A je Absalom nɛ a sake lɛ ngɔ fɔ muɔ agbo ko mi ngɛ hue ɔ mi, nɛ a muɔ tɛ babauu ngɔ pue e nɔ. Israel bi ɔmɛ tsuo tu fo, nɛ nɔ tsuaa nɔ pue lɛ nitsɛ e ma mi blɔ.

Samuel II, 18:17 ပူးပေါင်းရင်းမြစ်များ

Samuel II, 19:5

Kɛkɛ nɛ Yoab ya matsɛ ɔ ngɔ ngɛ e we ɔ mi, nɛ e ya de lɛ ke, “Mwɔnɛ ɔ, o tsɔli ɔmɛ tsuo nɛ he mo, kɛ o binyumu ɔmɛ, o biyi ɔmɛ, o yi ɔmɛ, kɛ o plã amɛ a yi wami ɔ, o pue mɛ tsuo pɛpɛɛpɛ a hɛ mi si,

Samuel II, 19:8

Kɛkɛ nɛ matsɛ ɔ te si nɛ e ho ya hi si ngɛ ma agbo ɔ nya. Nɛ benɛ e we bi ɔmɛ tsuo nu kaa matsɛ ɔ hii si ngɛ ma agbo ɔ nya a, mɛ tsuo a ya na lɛ ngɛ lejɛ ɔ. Jamɛ a be ɔ, Israel bi ɔmɛ a ti nɔ tsuaa nɔ tu fo kɛ ho lɛ nitsɛ e ma mi ya.

Samuel II, 19:9

Ngɛ Israel wɛtso ɔmɛ tsuo a mi ɔ, ni ɔmɛ kɛ a he bɔni pɛmi nɛ a ngɛ dee ke, “Matsɛ David je wɔ kɛ je wa he nyɛli ɔmɛ a dɛ mi, nɛ e kpɔ wɔ kɛ je Filisti bi ɔmɛ a dɛ mi. Se amlɔ nɛ ɔ, Absalom fie lɛ kɛ je ma a mi.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel II, 20:22

Kɛkɛ nɛ yo ɔ ho nɛ e ya wo ma mi bi ɔmɛ ga; nɛ a po Sheba yi nɛ a fɔ ngɔ mane Yoab. Yoab kpa titimati, nɛ e we bi ɔmɛ gbɛ kɛ je ma a he; nɛ nɔ tsuaa nɔ ho e ma mi ya. Yoab kpale kɛ ba matsɛ ɔ ngɔ ngɛ Yerusalem.

Matsɛmɛ II, 14:12

Israel ye Yuda nɔ kunimi, nɛ Yuda ta buli ɔmɛ tsuo tu fo kɛ ho a wehi a mi ya.

Matsɛmɛ II, 8:21

Lɔ ɔ he ɔ, Yehoram kɛ e ta zugba lɛ ɔmɛ tsuo pue nɔ kɛ ho Zair ya; se Edom bi ɔmɛ sa a yi. Nyɔ mi ɔ, e kɛ e ta zugba lɛ ɔmɛ a nya asafoatsɛmɛ ɔmɛ te si konɛ a fia Edom bi ɔmɛ nɛ bɔle mɛ ɔ ní; se e ta buli ɔmɛ gbɛ fĩa, nɛ a tu fo kɛ ya sɛ a bo tsu ɔmɛ a mi.

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Mose V, 21:20

A de ma nimeli ɔmɛ ke, ‘Tue gbolɔ kɛ atuã tsɔlɔ ji wa bi nɛ ɔ; e bui wa gbi tue; ní puɛlɔ kɛ dã delɔ ji lɛ.’

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

Yoshua 10:27

Benɛ pu yaa nɔ si ɔ, Yoshua fa nɛ a ya je mɛ kɛ je tso ɔmɛ a nɔ. A ya hɛɛ mɛ ngɔ pue tɛ puɔ ɔ nɛ a ya laa a he ngɛ mi ɔ kɛ̃ mi. Kɛkɛ nɛ a ngɔ tɛ agboagbohi kɛ tsi tɛ puɔ ɔ nya; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Yoshua 8:29

Se Ai matsɛ ɔ lɛɛ Yoshua sɛu lɛ ngɛ tso nɔ, nɛ e si e gbogboe ɔ ngɛ lejɛ ɔ kɛ ya si gbɔkuɛ nya si. Benɛ pu nɔ si ɔ, Yoshua fa nɛ a ya je gbogboe ɔ kɛ je tso ɔ nɔ. A sake lɛ ngɔ fɔ ma agbo ɔ nya, nɛ a to tɛhi glekuu ngɔ pue e nɔ; nɛ tɛ ɔmɛ ngɛ lejɛ ɔ kɛ ba si mwɔnɛ ɔ.

Samuel I, 4:10

Filisti bi ɔmɛ hwu ta wawɛɛ, nɛ a ye Israel nɔ. Israel ta a gbɛ, nɛ nɔ tsuaa nɔ tu fo kɛ ho e we mi ya. A gbe nihi babauu nitsɛ, nɛ Israel ta buli akpe nyingmi etɛ sɔuu gbo.