Samuel II, 18:14 - BAIBLO ALOO NGMAMI KLƆUKLƆU Ɔ

¹⁴ Yoab de lɛ ke, “I pa be be ko puɛe ngɛ o he hu.” Kɛkɛ nɛ e ya ngɔ akplɔ etɛ, nɛ e fɔ kɛ gbɔ Absalom gugue mi, be mi nɛ e kplaa si ngɛ tso ɔ mi nɛ e gbo we lolo ɔ.

Samuel II, 18:14 ပူးပေါင်းရင်းမြစ်များ

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

La 45:5

O kɛ̃ɛ̃ mi bi ɔmɛ a nya ba; a guu o he nyɛli ɔmɛ a tsui mi kɛ yeɔ je ma amɛ a nɔ kunimi.

Samuel II, 18:5

Matsɛ ɔ ka Yoab kɛ Abishai kɛ Itai kita ke, “Ye he ɔ, nyɛɛ kɛ niheyo Absalom ɔ nɛ ye blɛuu.” Benɛ matsɛ ɔ ngɛ e tatsɛmɛ ɔmɛ kita kae ngɛ Absalom he ɔ, tabo ɔmɛ tsuo nu.

Samuel II, 14:30

Jehanɛ Absalom de e tsɔli ɔmɛ ke, “Nyɛ le sane ko! Yoab ngmɔ ɔ tsa ye nɔ́ ɔ nɔ, nɛ e du ngma ngɛ nɔ. Nyɛɛ ya nɛ nyɛ ya mɛ e ngmɔ ɔ he la.” Nɛ a ya nɛ a ya sã ngmɔ ɔ.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Manyadali 5:26

E hɛɛ bo tsu plɛɛko ngɛ e muɔ nine mi. Ní tsuli a hamle ngɛ e hiɔ nine mi. E ka tso plɛɛko ɔ kɛ wo Sisera tue si; e kɛ gbɔ lɛ, nɛ e ywia e yi.

Manyadali 4:21

Sisera kɛ pɔ tɔtɔɛ hwɔ mahe vii. Kɛkɛ nɛ Heber e yo Yael ngɔ bo tsu plɛɛko kɛ hamle, nɛ e nyɛɛ blɛuu kɛ ho e ngɔ ya, nɛ e ya ka plɛɛko ɔ kɛ wo e tue si kɛ sɛ zu mi. Nɛ Sisera gbo.

Samuel II, 12:10

Lɔ ɔ he ɔ, akɛnɛ o bui mi, nɛ o ya ngɔ Uria yo ɔ kɛ ba pee o yo he je ɔ, klaate nya gbenɔ fɔɔ si ha o weku kɛ nina kɛ yaa neneene.’

Samuel II, 18:15

Jehanɛ nihewi nyɔngma, nɛ ji Yoab ta hwumi ní hɛɛli ba bɔle Absalom; nɛ a fia lɛ ní, nɛ a gbe lɛ.

Samuel II, 19:1

A ya bɔ Yoab amaniɛ ke matsɛ ɔ ngɛ ya foe, nɛ e ngɛ kɔmɔ yee ha Absalom.

Samuel II, 19:11

Benɛ Matsɛ David nu nɔ́ nɛ Israel bi ɔmɛ ngɛ dee ɔ, e tsɔ osɔfo Zadok kɛ osɔfo Abiatar ke a ya nɛ a ya bi Yuda ma nimeli ɔmɛ ke, “Mɛni he je nyɛ mohu nyɛ de we kekle ke nyɛ yaa ngɔ matsɛ ɔ kɛ ba we ɔ?

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.