Samuel II, 17:23 - BAIBLO ALOO NGMAMI KLƆUKLƆU Ɔ

²³ Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Samuel II, 17:23 ပူးပေါင်းရင်းမြစ်များ

Samuel II, 15:12

Benɛ Absalom ngɛ bɔ ɔmɛ sãe ɔ, e tsɔ ya kpee Ahitofel kɛ je Gilo kɛ ba. Ahitofel nɛ ɔ, David ga wolɔ ji lɛ, nɛ e ma mi ji Gilo. Enɛ ɔ wo matsɛ ɔ yi nɔ nɛ a ngɛ soe ɔ mi he wami; nɛ nihi nɛ nyɛɛ Absalom se ɔ, a he ba bɔni hiɛmi.

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Samuel II, 16:23

Ga tsuaa ga nɛ Ahitofel wo Absalom ɔ, e buɔ tue pɛpɛɛpɛ kaa bɔ nɛ e tsɛ David hu pee ɔ; ejakaa jamɛ a be ɔ, ke Ahitofel tu munyu ko ɔ, a ngɔɔ munyu ɔ kaa Mawu nitsɛ nya mi munyu.

Samuel II, 17:22

Kɛkɛ nɛ David kɛ e we bi ɔmɛ tsuo bɔni Yordan pa a pomi hluu kɛ ya si je nanɛɛ nɛ nɔ tsuaa nɔ po pa a ta.

Matsɛmɛ I, 16:18

Benɛ Zimri na kaa a ngɔ ma a, e ho ya sɛ mɔ ɔ nɛ ngɛ matsɛ we ɔ mi. E mɛ matsɛ we ɔ he la, nɛ la a sã lɛ nɛ e gbo.

Matsɛmɛ II, 20:1

Jamɛ a be ɔ mi ɔ, Hezekia ba nu hiɔ, nɛ e miɔ nɛ e ma gbo. Kɛkɛ nɛ gbalɔ Yesaya, Amoz binyumu ɔ ya nɛ e ya de lɛ ke, “Bɔ nɛ Yawɛ de ji nɛ ɔ nɛ: ‘Moo to o níhi blɔ nya ngɛ o we ɔ, ejakaa o yi be wami nae; o ma gbo.’ ”

Hiob 31:3

Anɛ e kpataa we yiwutsotsɛmɛ a hɛ mi lo? Anɛ e gbla we yayami peeli a tue lo?

La 109:20

Yawɛ, ye he nyɛli, kɛ nihi tsuo nɛ tuɔ munyu kɛ siɔ mi ɔ, wo mɛ hiɔ kikɛ nɛ ɔ nɔuu.

La 5:10

Mawu, buu mɛ fɔ, nɛ o gbla a tue. Ha nɛ a yi mi tomi yayami ɔmɛ nɛ kpa kɛ bu mɛ nitsɛmɛ a nɔ. Fie mɛ kɛ je o hɛ mi, ejakaa a pee yayamihi gbegbeegbe kɛ si mo, nɛ a tsɔ o hɛ mi atuã.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 19:3

Ke nɔ ko ya biɛ nɛ haomi ba e nɔ ɔ, kɛkɛ e ngɔ abofu ɔ ya kple Yawɛ mohu nɔ.

Yesaya 38:1

Jamɛ a be ɔ mi ɔ, Matsɛ Hezekia ba nu hiɔ, nɛ e miɔ nɛ e ma gbo. Kɛkɛ nɛ gbalɔ Yesaya, Amoz binyumu ɔ ya nɛ e ya de lɛ ke, “Bɔ nɛ Yawɛ de ji nɛ ɔ nɛ: ‘Moo to o níhi blɔ nya ngɛ o we ɔ mi, ejakaa o yi be wami nae; o ma gbo!’ ”

Mateo 27:5

Yuda ya sake sika a ngɔ pue sɔlemi we ɔ mi, nɛ e ho ya wo e kuɛ kpa.