Samuel II, 17:10 - BAIBLO ALOO NGMAMI KLƆUKLƆU Ɔ

¹⁰ Ke e ba mi ja a, nɔmlɔ nɛ lɛɛ e tsui wa kaa jata po sawale maa nu lɛ, ejakaa Israel tsuo le kaa o tsɛ ɔ, tatsɛ nguaa ji lɛ, nɛ e we bi ɔmɛ hu katsɛmɛ ji mɛ.

Samuel II, 17:10 ပူးပေါင်းရင်းမြစ်များ

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Samuel II, 17:9

Hyɛ, nɔmlɔ nɛ ɔ po, ke o li peemi, be nɛ ɔ mi e ya laa ngɛ tɛ puɔ ko mi, aloo ngɛ he kpa ko. Ke e ba mi kaa mɛɛ a tua wɔ kekle, nɛ wa we bi ɔmɛ ekomɛ nɔ ngɛ ta a mi, nɛ nihi nu he ɔ, a ma de ke, ‘A kpata Absalom we bi ɔmɛ a hɛ mi.’

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Lahi 3:7

Salomo ji nɔ nɛ ma a nɛ; a tloo lɛ ngɛ tsokpo mi kɛ ma. Israel tatsɛmɛ kpanakpanaa a kpɛti nyingmi ekpa ji tabo nɛ ngɛ e he bue kɛ ma.

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Ezekiel 21:15

Bɔ nɛ pee nɛ sawale nɛ nu ye ma a, nɛ nihi fuu a hɛ mi nɛ kpata a, i ngɔ klaate nɛ he ngɛ kpɛe nylamnylam kaa oslabai nɛ gbee nɔ hulɔ kɛ tsɔɔ ma a.

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Hebribi 11:34

Hemi kɛ yemi a kɛ gbe la nɛ ngɛ tsoe gegeege ngɛ hehi, hemi kɛ yemi ha a je klaate nya, e ha ni wudɔwudɔhi ba pee katsɛmɛ; a kɛ ta buli nɛ je ma se hwu ta, nɛ a ye kunimi.

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Samuel I, 18:17

Ligbi ko ɔ, Saul de David ke, “O nɛ, ye biyo nɔkɔtɔma Merab ji nɛ ɔ nɛ. Ke o maa pee kã, nɛ o maa hwu Yawɛ ta amɛ ha mi ɔ, i kɛ lɛ ma ha mo.” Saul susu kaa ke e pee ja a, Filisti bi ɔmɛ a nine maa su David nɔ nɛ a maa gbe lɛ, nɛ lɛɛ e nine be e he sae.