Samuel II, 16:8 - BAIBLO ALOO NGMAMI KLƆUKLƆU Ɔ

⁸ O kpɔ Saul matsɛ yemi ɔ, se piɔ lɛɛ Yawɛ ngɛ o tue gblae ngɛ Saul we mi bimɛ babauu a muɔ si nɛ o pue ɔ he. Yawɛ ngɔ matsɛ yemi ɔ ngɔ wo o binyumu Absalom dɛ. Hyɛ, o hɛ mi kpata pɛ, ejakaa muɔ si puelɔ ji mo.”

Samuel II, 16:8 ပူးပေါင်းရင်းမြစ်များ

Samuel II, 1:16

David de Amalek no ɔ ke, “O musu tloo mo; ejakaa mo nitsɛ o kɛ o nya ye odase ke, ‘I gbe nɔmlɔ nɛ Yawɛ pɔ lɛ nu ɔ.’ ”

Samuel II, 19:19

nɛ e de lɛ ke, “Nɛnɛ, yayami nɛ i pee mo ligbi ɔ nɛ o je Yerusalem ɔ, i kpa mo pɛɛ nɛ o kɛ pa mi. Mo ko ngɔ kɛ to ha mi, nɛ mo ko kai hu gblegbleegble.

Samuel II, 19:21

Kɛkɛ nɛ Zeruya bi Abishai de ke, “E sa kaa a gbe Shimei, ejakaa e gbiɛ nɔmlɔ nɛ Mawu pɔ lɛ nu ɔ.”

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel II, 21:9

David ngɔ mɛ kɛ wo Gibeon bi ɔmɛ a dɛ mi, nɛ a ya sɛu mɛ ngɛ yo ɔ nɔ, ngɛ Yawɛ hɛ mi. Mɛ ni kpaago ɔmɛ tsuo a gbo si kake too. Benɛ ní kpami be su, nɛ́ a bɔni ngma poomi ɔ, jamɛ a be ɔ nɛ a gbe ni ɔmɛ ɔ nɛ.

Matsɛmɛ I, 2:8

“Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

La 3:2

Nɔ́ nɛ a ngɛ dee ji, “Oo, Mawu be e he piɛe fɛɛ!”

La 4:2

Nyɛ nimli adesahi, mɛni be nyɛ ma pue ye hɛ mi si kɛ yaa si? Nyɛ suɔ níhi nɛ a he be se nami, nɛ lakpa munyuhi a se nyɛ dii. Kɛ yaa si mɛni be nɛ nyɛ maa hi enɛ ɔ pee?

La 55:3

Ye he nyɛli ɔmɛ ngɛ ye he gbeye woe. Yiwutsotsɛmɛ ngɛ mi yi mi wae. A ngɛ mi haoe, nɛ a mi mi fu mi wawɛɛ kɛ ngɛ mi nyɛe yaka.

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Manyadali 9:24

A pee nɔ́ nɛ ɔ konɛ a kɛ ye Yerubaal binyumu nyingmi kpaago ɔmɛ nɛ a gbe ɔ a he lue; bɔ nɛ pee nɛ a muɔ ɔ nɛ tloo a nyɛminyumu Abimelek kɛ Shekem bi ɔmɛ nɛ wo lɛ he wami loko e gbe e nyɛmimɛ ɔmɛ ɔ.