Samuel II, 16:5 - BAIBLO ALOO NGMAMI KLƆUKLƆU Ɔ

⁵ Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.

Samuel II, 16:5 ပူးပေါင်းရင်းမြစ်များ

Samuel II, 16:14

Benɛ matsɛ ɔ kɛ e we bi ɔmɛ tsuo nɛ nyɛɛ e se ɔ su Yordan pa a he ɔ, pɔ tɔ mɛ nyanyaanya; nɛ a jɔɔ a he ngɛ lejɛ ɔ.

Samuel II, 16:4

Matsɛ ɔ de Ziba ke, “O nɛ, Mefiboshet nɔ́ tsuaa nɔ́ ba peeɔ o nɔ jehanɛ.” Ziba de lɛ ke, “Ye nyɔmtsɛ matsɛ, i kɛ he si bami ngɛ mo tsumi haae; moo pɛtɛ ye he daa.”

Samuel II, 16:6

Kɛkɛ nɛ e muɔ tɛ nɛ e kɛ fiaa Matsɛ David, kɛ e tsɔli ɔmɛ, kɛ e we bi a tabo ɔ, kɛ ta buli ɔmɛ tsuo nɛ bɔle lɛ ɔ.

Samuel II, 17:18

Se ligbi ko ɔ, niheyo ko na mɛ, nɛ e ya de Absalom. Lɔ ɔ he ɔ, mɛ ni enyɔ ɔmɛ tsuo a je lejɛ ɔ mla kɛ ho nyumu ko we mi ya ngɛ Bahurim. Nyumu ɔ ngɛ vu ko ngɛ kpo ɔ nɔ, nɛ a ya sɛ mi.

Samuel II, 3:16

Paltiel fo ya kɛ nyɛɛ yo ɔ se hluu kɛ ya su Bahurim tɔɔ. Se Abner de lɛ ke, “Kpale o se esɔesɔ!” Nɛ e kpale e se.

Ester 2:5

Yuda no ko hi Susa ma a mi nɛ a tsɛɛ lɛ Mordekai. E je Benyamin wɛtso ɔ mi. E tsɛ biɛ ji Yair, e nɛ̃ ji Simei, nɛ e nɛnɛkasowa ji Kish.

Hiob 30:11

Akɛnɛ Mawu gbla ye tue nɛ i gbɔjɔ he je ɔ, a bui mi fɛɛ; nɔ́ nɛ a suɔ lɛ a peeɔ mi.

La 102:8

Daa ligbi ɔ, jɛmi kɛkɛ ye he nyɛli hii mi jɛe. Ni nɛmɛ nɛ yeɔ ye he fɛu ɔ ngɔɔ ye biɛ kɛ gbiɛɛ ni kpahi.

La 109:28

Ye he nyɛli ɔmɛ nɛ a gbiɛ mi faa; moo lɛɛ o maa gbaa mi sa. Nihi nɛ te si kɛ wo mi ɔ, zo nɛ gbe mɛ, konɛ imi, o tsɔlɔ ɔ, ma na bua jɔmi.

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

Mose II, 22:27

ejakaa lɔ ɔ pɛ ji e heha nɔ́ nɛ e kɛ maa tsi fĩɛ; mɛni hu ngɛ e dɛ nɛ e maa ha kɛ hwɔ si? Ke nyɛ pee we ja, nɛ e fo ya kɛ tsɛ mi ɔ, ma bu lɛ tue; ejakaa mɔbɔ nalɔ ji mi.

Mose II, 22:28

“Ko jɛ Mawu; nɛ koo gbiɛ o matsɛ.

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

Fiɛlɔ 10:20

Koo gbiɛ matsɛ ngɛ o yi mi po; niatsɛ hu koo gbiɛ lɛ ngɛ o se tsu mi. Lohwe pɛlitsɛ ko maa ngɔ o munyu ɔ kɛ ho nɛ e ya de.

Yesaya 8:21

Ni komɛ maa wo lalaalo ngɛ zugba a nɔ; hwɔ maa ye mɛ, nɛ a ní maa pee mɔbɔ. Mi mi fumi, kɛ hwɔ nɛ ngɛ mɛ yee he je ɔ, a maa gbiɛ a matsɛ ɔ, kɛ a mawu ɔmɛ. A ma wo a yi nɔ kɛ hyɛ hiɔwe,

Samuel I, 17:43

E bi David ke, “Anɛ gbe ji mi nɛ o ma ye ngɔ kɛ tso ɔ?” E ya nɔ nɛ e tsɛ wɔ pue David nɔ, nɛ e gbiɛ lɛ,