Samuel II, 16:16 - BAIBLO ALOO NGMAMI KLƆUKLƆU Ɔ

¹⁶ Benɛ David huɛ Hushai, Arki no ɔ ba su Absalom ngɔ ɔ, e hwɔ lele, nɛ e de ke, “Manye oo, manye! Manye oo, manye!”

Samuel II, 16:16 ပူးပေါင်းရင်းမြစ်များ

Samuel II, 15:32

Benɛ David ya su yo ɔ yi mi he nɛ a dla kɛ ha Mawu jami ɔ, Hushai, Arki no ɔ ba kpee lɛ kɛ e hiɔwe tade nɛ hía, kɛ e yi mi zu.

Samuel II, 15:34

Moo kpale kɛ ho ma a mi ya nɛ o ya de Absalom ke, ‘Matsɛ, ma sɔmɔ mo kaa bɔ nɛ i sɔmɔ o tsɛ be ko nɛ be ɔ.’ Enɛ ɔ peemi mohu nɛ o kɛ ma puɛ Ahitofel ga womi ɔ ha mi.

Samuel II, 15:37

David huɛ Hushai ba su Yerusalem be mi nɛ Absalom hu maa ho ma a mi sɛmi ya.

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ I, 1:34

nɛ osɔfo Zadok, kɛ gbalɔ Natan nɛ a pɔ lɛ nu ngɛ lejɛ ɔ, nɛ a wo lɛ matsɛ, nɛ e ye Israel nɔ. Lɔ ɔ se ɔ, nyɛ kpa titimati, nɛ nyɛ he ose ke, ‘Matsɛ Salomo yi nɛ na wami!’

Matsɛmɛ I, 4:5

Tsɔli ɔmɛ a nyatsɛ ji Natan binyumu Azaria. Matsɛ ga wolɔ ji osɔfo Zabud, Natan binyumu ɔ.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Daniel 2:4

Nyɔhiɔ mi hyɛli ɔmɛ kɛ matsɛ ɔ tu munyu ngɛ Aram gbi mi ke, “Nɛnɛ, o yi nɛ na wami kɛ ya neneene! Wa kpa mo pɛɛ, moo sɛɛ o nlami ɔ ha wɔ, konɛ waa tsɔɔ mo sisi.”

Daniel 5:10

Benɛ manyɛ ɔ nu matsɛ ɔ, kɛ ma nimeli ɔmɛ la he ɔ, e ba asa a nɔ he nɛ a ngɛ ní ɔ yee ngɛ ɔ. E de ke, “Nɛnɛ, o yi nɛ na wami kɛ ya neneene! I kpa mo pɛɛ, koo hao, nɛ o tsui ko po.

Daniel 6:21

Daniel he nɔ ke, “Nɛnɛ, o yi nɛ na wami kɛ ya neneene!

Daniel 6:6

Lɔ ɔ he ɔ, amlaalo ɔmɛ, kɛ nikɔtɔma enyɔ ɔmɛ ba matsɛ ɔ ngɔ, nɛ a ba de lɛ ke, “Nɛnɛ Darius, o yi nɛ na wami kɛ ya neneene!

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”