Samuel II, 16:1 - BAIBLO ALOO NGMAMI KLƆUKLƆU Ɔ

¹ Benɛ David po mi ngɛ yo ɔ yi mi bɔɔ ɔ, Mefiboshet tsɔlɔ Ziba kɛ lɛ ba kpe. E hɛɛ teji enyɔ kɛ a se tlomi: abolo bɔbɔɛ lafa enyɔ, wai yiblii gbigbli sau lafa, tso yiblii lafa, kɛ wai lohwe he womi tɔ kake.

Samuel II, 16:1 ပူးပေါင်းရင်းမြစ်များ

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 15:32

Benɛ David ya su yo ɔ yi mi he nɛ a dla kɛ ha Mawu jami ɔ, Hushai, Arki no ɔ ba kpee lɛ kɛ e hiɔwe tade nɛ hía, kɛ e yi mi zu.

Samuel II, 19:17

Nyumuhi akpe nɛ je Benyamin wɛtso ɔ mi ɔ piɛ e he kɛ ho. Ziba nɛ ji tsɔlɔ ngɛ Saul we ɔ mi ɔ, lɛ hu e kɛ e bimɛ nyɔngma kɛ enuɔ ɔmɛ, kɛ e tsɔli nyingmi enyɔ ɔmɛ ho Yordan pa a nya ya loko matsɛ ɔ ya su lejɛ ɔ.

Samuel II, 19:32

Barzilai ye jeha nyingmi kpaanyɔ, nɛ e bwɔ kotokoto; nɛ niatsɛ ji lɛ. Benɛ matsɛ ɔ ngɛ Mahanaim ɔ tsuo, lɛ nɛ e hyɛ e nɔ ngɛ niye ní blɔ fa mi.

Kronika I, 12:40

Nihi nɛ a kɛ lɛ a he kɛ́ we, kɛ ni nɛmɛ nɛ je Isakar, Zebulun, kɛ Naftali tɔɔ ngɔ niye ní slɔɔtoslɔɔto kɛ wo tejihi, afukpɔngɔhi, teji okpɔngɔhi, kɛ nahi a se kɛ ba. Níhi nɛ a ngɔ kɛ ba ji mamu, ngmɔkɔ, keeki, wai, kɛ nu. A ngɔ nahi kɛ tohi hu kɛ ba, nɛ a ba gbe nɛ a ye, ejakaa bua jɔmi ba Israel.

Abɛ Womi 18:16

Nike ní bliɔ blɔ ha nɔ kɛ ya suu nimli nguahi a hɛ mi tɔɔ.

Yeremia 40:10

Imi nitsɛ lɛɛ ma hi Mizpa kaa nyɛ nya dalɔ, nɛ ke Babilonia bi ɔmɛ ba hiɛ ɔ, ma tu munyu ha nyɛ. Se nyɛɛ lɛɛ nyɛ ya bua wai, kɛ tso yibliihi, kɛ oliv nu nya kɛ to, nɛ nyɛɛ hi mahi nɛ nyɛ ngɔ ɔ a mi.”

Yeremia 40:12

Lɔ ɔ he ɔ, a je hehi tsuo nɛ a fie mɛ kɛ ho ɔ, nɛ a kpale kɛ ba Yuda zugba a nɔ. A ba Gedalia ngɔ ngɛ Mizpa, nɛ a ba bua wai kɛ tso yibliihi babauu nya ngɛ lejɛ ɔ.

Amos 8:1

Nɔ́ ko hu nɛ Nyɔmtsɛ Yawɛ je ngɔ tsɔɔ mi be ko ngɛ nina kpa mi ji kusii kɛ e mi tso yiblii nɛ fu.

Mika 7:1

Akuanyɛ! I pee kaa nɔ ko nɛ hwɔ gbe lɛ, nɛ e nɛ tso yiblii ko ngɛ tso ɔmɛ a nɔ, aloo wai yiblii ko ngɛ wai tso ɔmɛ a nɔ nɛ e ye. A kplɔ wai yiblii ɔmɛ, kɛ ngmɔkɔ nganangana amɛ tsuo ta.

Samuel I, 10:3

Ke nyɛ ya nyɛ hɛ mi saii nɛ nyɛ ya su Tabor tso ngua a he ɔ, nyɛɛ kɛ nyumuhi etɛ maa kpe nɛ a yaa sã bɔ ha Mawu ngɛ Betel. Nɔ kake hɛɛ apletsi ku etɛ, nɔ kake hɛɛ abolo bɔbɔɛ etɛ, nɛ nɔ kake hu hɛɛ wai lohwe he womi tɔ kake.

Samuel I, 16:20

Ishai fi abolo, kɛ wai lohwe he womi tɔ kake, kɛ apletsi bi ngɔ fɔ teji se mi, nɛ e kɛ ha e binyumu David ke e ngɔ kɛ ya ha Saul.

Samuel I, 25:18

Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.