Samuel II, 15:6 - BAIBLO ALOO NGMAMI KLƆUKLƆU Ɔ

⁶ Bɔ nɛ Absalom peeɔ Israel no tsuaa Israel no nɛ kɛ munyu ko ba matsɛ ɔ ngɔ nɛ a ye ha lɛ ɔ ji nɛ ɔ nɛ. Kɛ gu enɛ ɔ peemi mi ɔ, Absalom dɔ Israel ma a tsuo a tsui kɛ ba e he.

Samuel II, 15:6 ပူးပေါင်းရင်းမြစ်များ

Samuel II, 15:13

Tsɔlɔ ko ba David ngɔ ba de lɛ ke, “Absalom ya dɔ Israel bi ɔmɛ kɛ je o se ya piɛ e he, nɛ a ngɛ o yi nɔ soe.”

Abɛ Womi 11:9

Nɔmlɔ nɛ li Mawu ɔ, e kɛ e nya mi munyu puɛɔ e nyɛmi. Se nɔ nɛ peeɔ nɔ́ nɛ da a, e juɛmi ma he e yi wami.

Fiɛlɔ 4:15

I ba bɔni nihi tsuo nɛ ngɛ je ɔ mi ɔ a he susumi, nɛ i ba na niheyo ko ngɛ ni ɔmɛ tsuo a kpɛti nɛ ma ba ye matsɛ ɔ se.

Daniel 11:21

Bɔfo ɔ ya nɔ nɛ e de ke, “Nɔ nɛ ma ba ye tsɛ ngɛ e se ɔ maa pee nɔ ko nɛ bu be e he, nɛ́ e sɛ́ kaa e yeɔ matsɛ. Nɔmlɔ nɛ ɔ maa ba tlukaa, nɛ e kɛ sisimi, kɛ nya mi ngɔngɔɛ munyu tumi ma kpɔ matsɛ yemi ɔ.

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.