Samuel II, 15:30 - BAIBLO ALOO NGMAMI KLƆUKLƆU Ɔ

³⁰ David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 15:30 ပူးပေါင်းရင်းမြစ်များ

Ester 6:12

Jehanɛ, Mordekai kpale kɛ ba matsɛ we ɔ agbo ɔ nya ekohu, se Haman lɛɛ e ha e yi nɔ, nɛ e ho e we mi ya mlamlaamla kɛ zo kpɔtɔɔ.

Samuel II, 19:4

Matsɛ ɔ kɛ nɔ́ ha e hɛ mi, nɛ e fo ya boboobo, nɛ e de ke, “Ao ye bi ɔ! Ye bi Absalom! Ye bi Absalom!”

Ezekiel 24:23

Nyɛ yi fimi ní ɔmɛ maa fi nyɛ yi; nyɛ tokota amɛ maa hi nyɛ nane; nyɛ be kɔmɔ yee, nɛ nyɛ be ya foe. Se yayamihi nɛ nyɛ pee ɔ ma ha nyɛ maa ta he lo, nɛ nyɛ ma kɛmɛ kɛ tsɔɔ nyɛ sibi.

Ezekiel 24:17

A ko nu o huu fami he; se fi o yi duku, nɛ o wo tokota. Koo ngɔ nɔ́ kɛ ha o nya nɔ, nɛ koo ye ya nɔ niye ní kɛ tsɔɔ kaa o ngɛ ya nyɛe.”

1 Korintobi 12:26

Ke nɔmlɔ tso ɔ he nɔ́ kake ngɛ nɔ́ nae ɔ, he ní kpa amɛ tsuo kɛ lɛ naa nɔ́. Nɛ ke he nɔ́ kake hɛ mi ba nyami ɔ, he ní kpa amɛ tsuo kɛ lɛ naa bua jɔmi.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Ni Tsumi 1:12

Bɔfo ɔmɛ kpale a se kɛ je Oliv yo ɔ he kɛ ho Yerusalem ya. Lejɛ ɔ kɛ Yerusalem kɛmi maa pee Hejɔɔmi ligbi blɔ nyɛɛmi.

Luka 22:39

Yesu je ma a mi, nɛ e pue nɔ kɛ ho Oliv yo ɔ nɔ ya kaa bɔ nɛ e pɔɔ peemi ɔ. E kaseli ɔmɛ kɛ lɛ ho.

Luka 21:37

Daa ligbi ɔ, Yesu ya tsɔɔ ní ngɛ sɔlemi we ɔ, nɛ ke je jɔ ɔ, e ya hwɔɔ Oliv yo ɔ nɔ.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 19:37

Benɛ e su Yerusalem ta, ngɛ he nɛ a kpleɔ Oliv yo ɔ ngɛ ɔ, nimli kpekpemi ɔ tsuo nɛ nyɛɛ e se ɔ bɔni nyami kɛ ngmlaa boboobo. A na Mawu si, nɛ a je e yi ngɛ nyakpɛ níhi nɛ a na a he.

Luka 19:29

Benɛ e miɔ nɛ e maa su Betfage, kɛ Betania, ngɛ Oliv yo ɔ he ɔ, e tsɔ e kaseli ɔmɛ a ti ni enyɔ,

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

Samuel II, 15:29

Lɔ ɔ he ɔ, Zadok kɛ Abiatar kpale Mawu somi daka a kɛ ho Yerusalem ya; nɛ a ya hi lejɛ ɔ.

Samuel II, 19:5

Kɛkɛ nɛ Yoab ya matsɛ ɔ ngɔ ngɛ e we ɔ mi, nɛ e ya de lɛ ke, “Mwɔnɛ ɔ, o tsɔli ɔmɛ tsuo nɛ he mo, kɛ o binyumu ɔmɛ, o biyi ɔmɛ, o yi ɔmɛ, kɛ o plã amɛ a yi wami ɔ, o pue mɛ tsuo pɛpɛɛpɛ a hɛ mi si,