Samuel II, 15:27 - BAIBLO ALOO NGMAMI KLƆUKLƆU Ɔ

²⁷ Matsɛ ɔ ya nɔ nɛ e de osɔfo Zadok ke, “Hyɛ, moo kpale o se kɛ ho ma a mi ya ngɛ he jɔmi mi; mo kɛ Abiatar, kɛ o binyumu Ahimaaz, kɛ Abiatar binyumu Yonatan.

Samuel II, 15:27 ပူးပေါင်းရင်းမြစ်များ

Samuel II, 17:17

Jamɛ a be ɔ, Yonatan kɛ Ahimaaz ngɛ mlɛe ngɛ Enrogel pa a he ngɛ Yerusalem kasa nya. Nɛ́ nɔ ko kó na mɛ he je ɔ, a yɛ ma a mi. Ke pee ɔ, mawayo ko kɛ sɛ gbi ya haa mɛ, kɛkɛ mɛ hu a ya de David.

Samuel I, 9:9

Saul de ke, “Mo! O le demi; ha nɛ waa ho.” Nɛ a pue nɔ kɛ ho ma a mi he nɛ Mawu nɔmlɔ ɔ ngɛ ɔ ya. Benɛ a ngɛ yoku ɔ kuɔe kɛ yaa a, a kɛ yihewi komɛ kpe nɛ a yaa yɛ nyu. A bi yihewi ɔmɛ ke, “Ní nalɔ ɔ ngɛ ma a mi lo?” (Jamɛ a be ɔ, bɔ nɛ a tsɛɔ gbalɔ ji ní nalɔ. Lɔ ɔ he ɔ, ke nɔ ko yaa bi ní ngɛ Israel ɔ, bɔ nɛ e deɔ ji, “Nyɛ ha waa ho ní nalɔ ɔ ngɔ ya.”)

Kronika I, 25:5

Mawu ha Heman, matsɛ gbalɔ ɔ binyumuhi nyɔngma kɛ eywiɛ, kɛ biyihi etɛ kaa bɔ nɛ e wo si ɔ, konɛ e kɛ wo Heman hɛ mi nyami.

Samuel II, 24:11

Benɛ David te si mɔtu ɔ, Yawɛ ngɔ sɛ gbi ngɔ ha gbalɔ Gad, David ní nalɔ ɔ ke

Samuel II, 15:36

A binyumu enyɔ ɔmɛ kɛ mɛ ngɛ lejɛ ɔ; mɛ ji Zadok bi Ahimaaz, kɛ Abiatar bi Yonatan. Nɔ́ tsuaa nɔ́ nɛ o maa nu ɔ, moo tsɔ mɛ nɛ a ba de mi.”

Samuel II, 15:34

Moo kpale kɛ ho ma a mi ya nɛ o ya de Absalom ke, ‘Matsɛ, ma sɔmɔ mo kaa bɔ nɛ i sɔmɔ o tsɛ be ko nɛ be ɔ.’ Enɛ ɔ peemi mohu nɛ o kɛ ma puɛ Ahitofel ga womi ɔ ha mi.

Samuel I, 9:6

Se tsɔlɔ ɔ de lɛ ke, “O nɛ, ní nalɔ ko ngɛ ma nɛ ɔ mi nɛ a buu lɛ saminya; ejakaa nɔ́ tsuaa nɔ́ nɛ e deɔ ɔ, baa mi. Ha wa ya na lɛ; eko piɔ e maa tsɔɔ wɔ he nɛ wa maa na lohwe ɔmɛ ngɛ.”

Matsɛmɛ I, 1:42

E nya na we nɛ e nɔ si nɛ osɔfo Abiatar bi Yonatan ba hia kpo ngɛ lejɛ ɔ. Adoniya de lɛ ke, “O le bami! Ma mi nɔkɔtɔma ji mo; be nɛ ɔ mi piɔ ɔ, o hɛɛ manye munyu kɛ ba.”

Matsɛmɛ I, 4:15

Ahimaaz nɛ ngɔ Salomo biyo ɔ nɛ a tsɛɛ Basemat ɔ, e nɔ́ mi ji Naftali.

Kronika I, 6:8

Zadok, Ahimaaz,

Samuel II, 18:19

Kɛkɛ nɛ Zadok bi Ahimaaz de Yoab ke, “Ha nɛ ma tu fo nɛ ma ya bɔ matsɛ ɔ amaniɛ kaa Yawɛ wo lɛ nguɔ, nɛ e je lɛ kɛ je e he nyɛli ɔmɛ a dɛ mi.”