Samuel II, 15:24 - BAIBLO ALOO NGMAMI KLƆUKLƆU Ɔ

²⁴ Abiatar, Zadok, kɛ Levi bi ɔmɛ ya ngɔ Mawu somi daka a kɛ ba ma si kɛ ya si nɔ tsuaa nɔ je ma a mi.

Samuel II, 15:24 ပူးပေါင်းရင်းမြစ်များ

Samuel II, 15:27

Matsɛ ɔ ya nɔ nɛ e de osɔfo Zadok ke, “Hyɛ, moo kpale o se kɛ ho ma a mi ya ngɛ he jɔmi mi; mo kɛ Abiatar, kɛ o binyumu Ahimaaz, kɛ Abiatar binyumu Yonatan.

Samuel II, 15:35

Osɔfo Zadok, kɛ osɔfo Abiatar ngɛ lejɛ ɔ. Lɔ ɔ he ɔ, nɔ́ tsuaa nɔ́ nɛ o maa nu kɛ je matsɛ we ɔ mi ɔ, mo de mɛ.

Samuel II, 20:25

Ahilud bi Yehoshafat ji sanehi ngmalɔ; Sheva ji pɛdiyo; Zadok kɛ Abiatar ji osɔfohi,

Samuel II, 6:13

Benɛ ni ɔmɛ nɛ hɛɛ Yawɛ daka a hia nane ekpa a, David ha nɛ a wa, nɛ e gbe na kɛ to nɛ wo zɔ nɛ e kɛ sã bɔ ha Yawɛ.

Samuel II, 8:17

Ahitub binyumu Zadok, kɛ Abiatar binyumu Ahimelek ji osɔfohi; nɛ Seraya ji David nitsɛ e pɛdiyo.

Matsɛmɛ I, 1:8

Se osɔfo Zadok, Yehoyada binyumu Benaya, gbalɔ Natan, Shimei, Rei, kɛ nyumuhi katsɛmɛ ɔmɛ nɛ a kɛ David ngɛ ɔ, mɛɛ a piɛ we Adoniya he.

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Matsɛmɛ I, 2:35

Matsɛ ɔ wo Yehoyada binyumu Benaya tatsɛ ngɛ Yoab nane mi, nɛ e ngɔ osɔfo Zadok hu ngɔ to osɔfo Abiatar blɔ he ɔ.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Ezekiel 48:11

Á ngɔ he klɔuklɔu nɛ ɔ kɛ ha osɔfo ɔmɛ nɛ je Zadok weku ɔ mi ɔ. Mɛɛ lɛɛ benɛ Levi bi ɔmɛ a weku ɔ mi ni komɛ ya piɛ Israel bi ɔmɛ a he kɛ pee yayami ɔ, a tsu a blɔ nya ní pɛpɛɛpɛ ha mi.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 7:9

Se Kohat bi ɔmɛ lɛɛ Mose ha we mɛ nɔ́ ko; ejakaa ní klɔuklɔu ɔmɛ nɛ a kɛ ha mɛ nɛ a hyɛ nɔ ɔ, a konɔ a kɛ maa fɔ.

Yoshua 3:3

nɛ a de ma a ke, “Ke nyɛ na Yawɛ, nyɛ Mawu ɔ somi daka a nɛ osɔfo ɔmɛ nɛ ji Levi bi ɔmɛ tloo ɔ, nyɛ hu nyɛɛ hia kɛ je he nɛ nyɛ ngɛ ɔ kɛ nyɛɛ e se.

Yoshua 3:6

Jehanɛ, e de osɔfo ɔmɛ ke a tloo somi daka a kɛ nyɛɛ ma a hɛ mi. A pee bɔ nɛ Yoshua de mɛ ɔ.

Yoshua 6:4

Osɔfohi kpaago nɛ a hɛɛ titimati kpaago nɛ a kɛ agbosu koli pee kɛ nyɛɛ somi daka a hɛ mi. Ligbi kpaagone ɔ nɔ ɔ, nyɛɛ bɔle ma a si kpaago, nɛ osɔfo ɔmɛ nɛ a hi titimati ɔmɛ kpae.

Yoshua 6:6

Jehanɛ, Nun bi Yoshua tsɛ osɔfo ɔmɛ nɛ e de mɛ ke, “Nyɛ wo somi daka a, nɛ nyɛ ti nihi kpaago nɛ a hɛɛ titimati kɛ nyɛɛ daka a hɛ mi.”

Samuel I, 22:20

Se Abiatar nɛ ji Ahimelek binyumu ɔmɛ a ti nɔ kake lɛɛ a nine sui e nɔ; nɛ e tu fo kɛ ho David ngɔ ya

Samuel I, 4:11

A kpɔ Mawu somi daka a, nɛ Hofni kɛ Finehas, Eli binyumu enyɔ ɔmɛ hu gbo.