Samuel II, 15:23 - BAIBLO ALOO NGMAMI KLƆUKLƆU Ɔ

²³ Ma a tsuo wo yana benɛ David we bi ɔmɛ je kɛ yaa a. Matsɛ ɔ ya po Kidron pa a, nɛ e we bi ɔmɛ nyɛɛ e se; nɛ mɛ tsuo pɛpɛɛpɛ a pue nga a nɔ blɔ.

Samuel II, 15:23 ပူးပေါင်းရင်းမြစ်များ

Samuel II, 16:2

Matsɛ ɔ bi lɛ ke, “Jije o kɛ ní nɛ ɔmɛ yaa?” Ziba he nɔ ke, “I ngɔ teji ɔmɛ kɛ ba, konɛ o we bi ɔmɛ nɛ a hi a nɔ. I ngɔ abolo ɔ kɛ tso yiblii ɔmɛ kɛ ba konɛ nihewi ɔmɛ nɛ a ye. Jehanɛ, i kɛ wai hu ba, konɛ ke pɔ tɔ nihewi ɔmɛ ngɛ nga a nɔ nɛ a nu.”

Yohane 18:1

Benɛ Yesu sɔle kikɛ nɛ ɔ, e kɛ e kaseli ɔmɛ je kpo, nɛ a pue nɔ kɛ ho ya po Kedron pa a, kɛ ya sɛ abɔɔ ko mi ngɛ lejɛ ɔ.

Matsɛmɛ I, 2:37

Ligbi ɔ nɛ o maa je hiɛ ɔ, nɛ o maa po Kidron pa a, ná nɛ o le kaa ja o gbo, nɛ sɔ̃ ɔ maa tloo mo nitsɛ.”

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Luka 1:80

Jokuɛ ɔ ba wa ngɛ nɔmlɔ tso, kɛ mumi mi tsuo, nɛ e hi nga a nɔ kɛ ya su ligbi nɛ e je e he kpo ngɔ tsɔɔ Israel.

Mateo 3:3

Yohane ji nɔ nɛ gbalɔ Yesaya de ngɛ e he ke, “Nɔ ko ngɛ ngmlaa kpae ngɛ nga a nɔ ke, ‘Nyɛɛ je blɔ kɛ ha Nyɔmtsɛ ɔ; nyɛ ha e blɔ ɔ nɛ da tlɔmɔɔ.’ ”

Mateo 3:1

Jamɛ a be ɔ mi ɔ, Yohane nɔ sɔlelɔ ɔ ba Yudea nga a nɔ, ba bɔni fiɛmi ke,

Kronika II, 29:16

Osɔfo ɔmɛ ya sɛ Yawɛ we ɔ mi nɛ a tsukɔ lejɛ ɔ. A muɔ nɔ́ tsuaa nɔ́ nɛ he tsɔ we kɛ je lejɛ ɔ kɛ ba kue ɔ mi. Levi bi ɔmɛ hu muɔ ní ɔmɛ kɛ je kpo nɛ a ya sake ngɔ pue Kidron pa a mi.

Matsɛmɛ I, 15:13

E na, Maaka po e kpa lɛ manyɛ yemi, ejakaa e puɛ amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ywia amaga nɛ ɔ, nɛ e sã lɛ ngɛ Kidron pa a nya.

Samuel II, 15:22

David de Itai ke, “Saminya, ba be kɛ ho!” Kɛkɛ nɛ Itai, Gat no ɔ, kɛ e we bi ɔmɛ tsuo, kɛ jokuɛwi tsɔwi ɔmɛ tsuo nɛ piɛ e he ɔ ba be.

Samuel II, 15:28

Imi lɛɛ ma mlɛ ngɛ pa pomi he ɔ ngɛ nga a nɔ kɛ yaa si ma nu sɛ gbi ko kɛ je nyɛ ngɔ.”

Yeremia 31:40

Nɛ kɔ̃ ɔ tsuo maa pee klɔuklɔu kɛ ha mi: gɔ ɔ, kuku ɔ, kɛ ngmɔ ɔmɛ nɛ ngɛ Kidron pa a yi mi ɔ, hluu kɛ yaa si okpɔngɔ agbo ɔ beleku je. Nɔ ko nɔ ko be ma a ngɔe hu, nɛ a be e hɛ mi kpatae hu gblegbleegble.”