Samuel II, 15:21 - BAIBLO ALOO NGMAMI KLƆUKLƆU Ɔ

²¹ Se Itai he nɔ ke, “I na Yawɛ, nɛ i na nɛnɛ kaa he tsuaa he nɛ o yaa a, i kɛ mo maa ya, gbenɔ mi jio, wami mi jio.”

Samuel II, 15:21 ပူးပေါင်းရင်းမြစ်များ

Samuel II, 15:22

David de Itai ke, “Saminya, ba be kɛ ho!” Kɛkɛ nɛ Itai, Gat no ɔ, kɛ e we bi ɔmɛ tsuo, kɛ jokuɛwi tsɔwi ɔmɛ tsuo nɛ piɛ e he ɔ ba be.

Matsɛmɛ II, 2:2

Ngɛ blɔ ɔ nɔ ɔ, Eliya de Elisha ke, “Yawɛ tsɔ mi Betel; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Betel ya.

Matsɛmɛ II, 2:4

Eliya de Elisha ke, “Yawɛ tsɔ mi Yeriko; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Yeriko ya.

Matsɛmɛ II, 2:6

Eliya de Elisha ekohu ke, “Yawɛ tsɔ mi Yordan pa a nya; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ tsuo a pue nɔ kɛ ho Yordan pa a nya ya,

Matsɛmɛ II, 4:30

Yo ɔ de Elisha ke, “I na Mawu, nɛ i na mo nitsɛ hu o nane kaa i be o he jee.” Lɔ ɔ he ɔ, Elisha te si nɛ e kɛ yo ɔ ho.

Abɛ Womi 17:17

Huɛmɛ suɔ a he be tsuaa be, se nyɛmimɛ lɛɛ haomi be mi tete po a si we a sibi.

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

2 Korintobi 7:3

I de we enɛ ɔ nɛ ma kɛ bu nyɛ fɔ. Se kaa bɔ nɛ i de nyɛ momo ɔ, suɔmi nɛ wa ngɛ kɛ ha nyɛ ɔ nya wa bɔ nɛ nɔ́ ko nɔ́ ko be nyɛe ma gba waa kɛ nyɛ wa kpɛti, gbenɔ jio, wami nɛ ɔ mi jio.

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.