Samuel II, 15:20 - BAIBLO ALOO NGMAMI KLƆUKLƆU Ɔ

²⁰ Mo nɛ hiɛ pɛ o ba a, mɛni he je ma ngɔ mo kɛ ya wo lalaalo be mi nɛ imi nitsɛ i li he nɛ i yaa a? Moo kpale o se nɛ o kɛ o nyɛmimɛ ɔmɛ nɛ ho. Yawɛ nɛ na mo mɔbɔ nɛ e kɛ mo nɛ hi si.”

Samuel II, 15:20 ပူးပေါင်းရင်းမြစ်များ

Samuel I, 23:13

Lɔ ɔ he ɔ, David kɛ e we bi maa pee lafa ekpa a je Keila nɔuu, nɛ a bɔni lalaalo womi kɛ ngɛ nyɛɛe kɛ ngɛ bee. Benɛ Saul nu kaa David tu fo kɛ je Keila a, e yɛ lejɛ ɔ hu.

Samuel II, 2:6

Yawɛ nɛ e na nyɛ mɔbɔ nɛ e je e mi mi himi kpo kɛ tsɔɔ nyɛ! Imi hu ma pee nyɛ kpakpa ngɛ nɔ́ nɛ nyɛ pee nɛ ɔ he.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Amos 8:12

Nihi maa wo lalaalo kɛ maa je Mediterenia wo ɔ nya kɛ maa ya Wo Ngua a nya; a ma tsa nɔ kɛ maa je omleyi je kɛ maa ya beleku je kaa a maa nu ye sɛ gbi ko lo. Se a be ye nya mi munyu ko nue.

Abɛ Womi 14:22

Nihi nɛ toɔ ga yayami ɔ, a hɛ mi ma kpata. Se ni nɛmɛ nɛ susuɔ nɔ́ kpakpa a, a maa na mɛ mɔbɔ, nɛ a blɔ maa da mɛ.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

La 85:10

Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

La 61:7

Ha nɛ e ye tsɛ ngɛ mo Mawu ɔ o hɛ mi daa. Ngɔɔ o suɔmi nɛ be nyagbe ɔ, kɛ o we anɔkuale ɔ kɛ bu e he daa.

La 59:15

A kpaa si kɛ hlaa niye ní; nɛ ke a na we ní nɛ a ye nɛ a tɔ ɔ, a kpaa ngmlaa kaa gbehi.

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.

La 56:8

O le bɔ nɛ i ngɛ haoe ha; ye vo nyu ma hyi o tɔ ɔ. Tse o kadi lɛ tsuo ngɔ wo o womi ɔ mi?

La 25:10

Nihi tsuo nɛ yeɔ Yawɛ somi ɔ, kɛ e mlaa amɛ a nɔ ɔ, Yawɛ naa mɛ mɔbɔ, nɛ e yeɔ mɛ anɔkuale.

Abɛ Womi 3:3

Koo ngmɛɛ si himi kpakpa, kɛ anɔkuale yemi he. Fi kɛ wo o kuɛ, nɛ o ngma kɛ fɔ o tsui nɔ.

Samuel II, 2:5

e tsɔ nɛ a kɛ sɛ gbi ya ha mɛ ke, “Yawɛ maa gbaa nyɛ kaa nyɛ je nyɛ suɔmi kpo ngɔ ha Saul, nyɛ nyɔmtsɛ ɔ, nɛ nyɛ pu lɛ!

La 61:8

Kɛkɛ ɔ, imi hu ma la kɛ je o biɛ ɔ yi daa, nɛ ma ye ye siwo ɔmɛ a nɔ daa ligbi.