Samuel II, 15:2 - BAIBLO ALOO NGMAMI KLƆUKLƆU Ɔ

² Daa ligbi ɔ, Absalom maa te si mla, kɛkɛ e ho ya da si ngɛ blɔ ɔ mi ngɛ ma agbo ɔ nya. Ke nɔ ko hɛɛ munyu ko kɛ ma matsɛ ɔ ngɔ nɛ a ye ha lɛ ɔ, Absalom ma tsɛ nɔ ɔ nɛ e ma bi lɛ ke, “Jije ma mi o je?” Ke nɔ ɔ tsɔɔ lɛ Israel wɛtso nɔ́ nɛ mi nɛ e je ɔ,

Samuel II, 15:2 ပူးပေါင်းရင်းမြစ်များ

Mose I, 34:20

Hamor kɛ e bi Shekem ya kpe he ɔ, ngɛ maa agbo ɔ nya, nɛ a kɛ ma mi bi ɔmɛ ya tu munyu, nɛ a de mɛ ke,

Samuel II, 19:8

Kɛkɛ nɛ matsɛ ɔ te si nɛ e ho ya hi si ngɛ ma agbo ɔ nya. Nɛ benɛ e we bi ɔmɛ tsuo nu kaa matsɛ ɔ hii si ngɛ ma agbo ɔ nya a, mɛ tsuo a ya na lɛ ngɛ lejɛ ɔ. Jamɛ a be ɔ, Israel bi ɔmɛ a ti nɔ tsuaa nɔ tu fo kɛ ho lɛ nitsɛ e ma mi ya.

Kronika II, 10:7

A he nɔ ke, “Ke o ma ha ma nɛ ɔ a ní bimi ɔ heto kɛ gbi nɛ he jɔ, nɛ o maa kplɛɛ kaa o maa hɛɛ mɛ saminya a, a ma sɔmɔ mo daa.”

Hiob 24:14

Awi yelɔ teɔ si mɔtu kpla konɛ e gbe ohiatsɛ, aloo nɔ nɛ be nɔ́ ko. Nyɔ mi kɛkɛ e pee e he julɔ.

Mose II, 18:14

Benɛ Mose ngatsɛ ɔ na níhi tsuo nɛ Mose ngɛ tsue ngɛ ma a mi ɔ, e bi lɛ ke, “Mɛni o ngɛ pee nɛ ɔ? Mɛni he je o ngɔ ní tsumi nɛ ɔ ngɔ fɔ mo nɔ kake too o nɔ, nɛ ma a tsuo daa si ngɛ o kuɛ nɔ mɔtumɔtu kɛ ya si du bubui kikɛ nɛ ɔ?”

Mose II, 18:16

Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Mose II, 18:26

Mɛ ji ni nɛmɛ nɛ kojoɔ ma a sanehi daa be tsuaa be. Mɛ nitsɛmɛ nɛ a buá sane tsɔwitsɔwihi a he; se sanehi nɛ a he wa lɛɛ a kɛ baa Mose ngɔ.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Daniel 11:21

Bɔfo ɔ ya nɔ nɛ e de ke, “Nɔ nɛ ma ba ye tsɛ ngɛ e se ɔ maa pee nɔ ko nɛ bu be e he, nɛ́ e sɛ́ kaa e yeɔ matsɛ. Nɔmlɔ nɛ ɔ maa ba tlukaa, nɛ e kɛ sisimi, kɛ nya mi ngɔngɔɛ munyu tumi ma kpɔ matsɛ yemi ɔ.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mose V, 17:8

“E ma nyɛ maa ba mi kaa sane komɛ a yemi kɛ he buámi nya maa wa tsɔ ha ma amɛ eko mi kojoli, kaa weto ní blɔ nya he pleemi sane komɛ kikɛ, loo kaa a plaa nɔ ko, loo sane komɛ nɛ a ngɛ mi hlae, konɛ a na kaa pe a je blɔ gbe nɔ ko nɛ e gbo ɔ, loo a li be nɛ a fia lɛ nɔ́ nɛ e gbo. Ke e ba lɛ ja a, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Rut Womi 4:1

Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.