Samuel II, 15:18 - BAIBLO ALOO NGMAMI KLƆUKLƆU Ɔ

¹⁸ Matsɛ tsɔli ɔmɛ ba da si ngɛ e kasa nya, nɛ matsɛ we bi a tabo, nɛ ji Keret bi ɔmɛ kɛ Pelet bi ɔmɛ ba be kɛ sɛ hlami. Gat ta buli lafa ekpa nɛ nyɛɛ e se kɛ je Gat ɔ hu ba be kɛ sɛ hlami.

Samuel II, 15:18 ပူးပေါင်းရင်းမြစ်များ

Samuel II, 15:17

Benɛ matsɛ ɔ kɛ e we bi ɔmɛ tsuo ya su nyagbe we ɔ he ɔ, mɛ tsuo a da si.

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”

Samuel II, 20:23

Yoab ji Israel tatsɛ nɔkɔtɔma; Yehoyada bi Benaya ji Keret bi ɔmɛ, kɛ Pelet bi ɔmɛ a nyatsɛ.

Samuel II, 20:7

Lɔ ɔ he ɔ, Abishai kɛ Yoab we bi ɔmɛ, kɛ Keret bi ɔmɛ kɛ Pelet bi ɔmɛ, kɛ ta buli ɔmɛ tsuo hia kɛ je Yerusalem kɛ nyɛɛ Sheba se.

Samuel II, 6:10

Enɛ ɔ he je ɔ, David to e yi mi kaa e kɛ Yawɛ daka a be Yerusalem yae hu. Kɛkɛ nɛ e gba kɛ je blɔ ɔ nɔ nɛ e kɛ daka a ho Obed Edom nɛ je Gat ɔ we mi ya.

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Matsɛmɛ I, 1:38

Kɛkɛ nɛ osɔfo Zadok, kɛ gbalɔ Natan, kɛ Yehoyada binyumu Benaya, kɛ matsɛ we bi a tabo ɔ ho nɛ a ya ngɔ Salomo ngɔ hi Matsɛ David teji okpɔngɔ ɔ nɔ, nɛ a nyɛɛ e se kɛ ya Gihon.

Kronika I, 18:17

Yehoyada binyumu Benaya ji Keret kɛ Pelet bi ɔmɛ a nyatsɛ. Ni nɛ ɔmɛ ji David we bi a tabo. David binyumu ɔmɛ hɛɛ blɔ nya nguanguahi ngɛ matsɛ tsɔli ɔmɛ a kpɛti.

Samuel I, 23:13

Lɔ ɔ he ɔ, David kɛ e we bi maa pee lafa ekpa a je Keila nɔuu, nɛ a bɔni lalaalo womi kɛ ngɛ nyɛɛe kɛ ngɛ bee. Benɛ Saul nu kaa David tu fo kɛ je Keila a, e yɛ lejɛ ɔ hu.

Samuel I, 25:13

Kɛkɛ nɛ David de e we bi ɔmɛ ke, “Nyɛ ti nɔ tsuaa nɔ nɛ fi e klaate!” Nɛ a pee ja. David hu fi e klaate ɔ, nɛ e kɛ nyumuhi maa pee lafa eywiɛ hia kɛ je lejɛ ɔ, nɛ a si nihi lafa enyɔ ngɛ tlomi ɔmɛ a he.

Samuel I, 27:3

David kɛ e we bi ɔmɛ, a yi ɔmɛ, kɛ a bimɛ ɔmɛ hi Akish ngɔ ngɛ Gat. David kɛ e yi enyɔ ɔmɛ ho. Mɛ ji Ahinoam nɛ je Yezreel ɔ, kɛ Abigail, Nabal yalɔyo ɔ nɛ je Karmel ɔ.

Samuel I, 27:4

Benɛ a ya bɔ Saul ke David tu fo kɛ ho Gat ya a, e jɔɔ e se nyɛɛmi.

Samuel I, 30:1

Ligbi nɛ ji etɛ ɔ, be nɛ David kɛ e we bi ɔmɛ ke a suu Ziklag ɔ, Amalek bi ɔmɛ ba ha ní ngɛ Yuda leneyi je, nɛ a tua Ziklag. A kɛ la sã Ziklag,

Samuel I, 30:14

Wa ya tua Keret bi a zugba a nɛ ngɛ Yuda leneyi je ɔ, kɛ Kaleb bi a zugba a, nɛ wa sã Ziklag ma a.”

Samuel I, 30:9

Lɔ ɔ he ɔ, David kɛ e we bi nɛ ji nyumuhi lafa ekpa amɛ pue blɔ. Benɛ a su Besor pa a nya a, ni komɛ tlɔ lejɛ ɔ nɛ a je a he.