Samuel II, 15:13 - BAIBLO ALOO NGMAMI KLƆUKLƆU Ɔ

¹³ Tsɔlɔ ko ba David ngɔ ba de lɛ ke, “Absalom ya dɔ Israel bi ɔmɛ kɛ je o se ya piɛ e he, nɛ a ngɛ o yi nɔ soe.”

Samuel II, 15:13 ပူးပေါင်းရင်းမြစ်များ

Samuel II, 15:6

Bɔ nɛ Absalom peeɔ Israel no tsuaa Israel no nɛ kɛ munyu ko ba matsɛ ɔ ngɔ nɛ a ye ha lɛ ɔ ji nɛ ɔ nɛ. Kɛ gu enɛ ɔ peemi mi ɔ, Absalom dɔ Israel ma a tsuo a tsui kɛ ba e he.

Samuel II, 3:36

Ma a yɔse nɔ́ nɛ ɔ, nɛ e sa a hɛ mi. Niinɛ, nɔ́ tsuaa nɔ́ nɛ matsɛ ɔ pee ɔ sa ma a hɛ mi saminya.

La 3:1

Yawɛ, hyɛ bɔ nɛ ye he nyɛli hiɛ ha! Hyɛ kaa nihi babauu te si kɛ wo mi!

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Mateo 27:22

Pilato bi mɛ ke, “Lɛɛ mɛni ma pee Yesu nɛ a tsɛɛ lɛ Kristo ɔ he mɔ?” Mɛ tsuo a he nɔ ke, “Sɛu lɛ!”

Manyadali 9:3

E nyɛ nyɛmimɛ ɔmɛ ya sɛɛ e munyu ɔ ha Shekem bi ɔmɛ tsuo; nɛ a yi mi plɛ kɛ ya nyɛɛ Abimelek se. A de ke, “Wa nyɛmi ji lɛ.”