Samuel II, 15:12 - BAIBLO ALOO NGMAMI KLƆUKLƆU Ɔ

¹² Benɛ Absalom ngɛ bɔ ɔmɛ sãe ɔ, e tsɔ ya kpee Ahitofel kɛ je Gilo kɛ ba. Ahitofel nɛ ɔ, David ga wolɔ ji lɛ, nɛ e ma mi ji Gilo. Enɛ ɔ wo matsɛ ɔ yi nɔ nɛ a ngɛ soe ɔ mi he wami; nɛ nihi nɛ nyɛɛ Absalom se ɔ, a he ba bɔni hiɛmi.

Samuel II, 15:12 ပူးပေါင်းရင်းမြစ်များ

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Yoshua 15:51

Goshen, Holon, kɛ Gilo. E peeɔ ma nyɔngma kɛ kake kɛ a he kɔpehi.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Kronika I, 27:33

Ahitofel ji matsɛ ɔ ga wolɔ, nɛ Ark no ɔ nɛ a tsɛɛ lɛ Hushai ɔ ji matsɛ ɔ huɛ.

Matsɛmɛ I, 21:12

a fiɛ ke a ha hwɔ ligbi mluku, nɛ a bua ma a nya, nɛ a ha Nabot blɔ he nguaa ko.

Matsɛmɛ I, 21:9

E ngma ngɛ womi ɔ mi ke, “Nyɛɛ fiɛ nɛ a ha hwɔ ligbi mluku, nɛ a bua ma a nya, nɛ a ha Nabot blɔ he nguaa ko.

Mose IV, 23:30

Balak pee kaa bɔ nɛ Balaam de lɛ ɔ, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose IV, 23:14

E ngɔ lɛ kɛ ho Zofim nga a nɔ ya, ngɛ Pisga yo ɔ yi mi. Lejɛ ɔ hu e puɛ bɔ sami la tɛ kpaago, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose IV, 23:1

Balaam de Balak ke, “Moo puɛ bɔ sami la tɛ kpaago ha mi ngɛ hiɛ ɔ, nɛ o ya hla na ku kpaago, kɛ agbosu kpaago kɛ ba.”

Samuel II, 16:15

Absalom kɛ Israel ma a tsuo ba Yerusalem, nɛ Ahitofel hu piɛ a he.

La 41:10

Se mo Yawɛ, moo na mi mɔbɔ! Ha ma na he wami ekohu, konɛ ma wo mɛ hiɔ ngɛ nɔ́ nɛ a pee mi ɔ he.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.