Samuel II, 15:10 - BAIBLO ALOO NGMAMI KLƆUKLƆU Ɔ

¹⁰ Se Absalom tsɔ nihi ngɛ laami mi kɛ ho nɛ a ya de Israel wɛtso ɔmɛ tsuo ke, “Ke nyɛ nu titimati pɛmi ɔ, amlɔ nɔuu nyɛ hwɔ lele nɛ nyɛ de ke, ‘Absalom ngɛ matsɛ yee ngɛ Hebron!’ ”

Samuel II, 15:10 ပူးပေါင်းရင်းမြစ်များ

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Samuel II, 14:30

Jehanɛ Absalom de e tsɔli ɔmɛ ke, “Nyɛ le sane ko! Yoab ngmɔ ɔ tsa ye nɔ́ ɔ nɔ, nɛ e du ngma ngɛ nɔ. Nyɛɛ ya nɛ nyɛ ya mɛ e ngmɔ ɔ he la.” Nɛ a ya nɛ a ya sã ngmɔ ɔ.

Samuel II, 15:9

Matsɛ ɔ de lɛ ke, “Yaa ngɛ he jɔmi mi.” Kɛkɛ nɛ Absalom pue nɔ kɛ ho Hebron ya.

Samuel II, 19:10

Absalom ɔ nɛ wa pɔ lɛ nu nɛ wa wo lɛ matsɛ ɔ, lɛ hu e gbo ngɛ ta mi. Mɛni he je nɔ ko yɛ nɛ e ya ngɔ Matsɛ David ɔ kɛ ba mɔ?”

Samuel II, 2:1

Enɛ ɔ se ɔ, David bi Yawɛ ke, “Ma kpale kɛ ya Yuda ma amɛ eko mi lo?” Yawɛ he nɔ ke, “Ee, moo ya.” David bi lɛ ekohu ke, “Jije ma ya?” Nɛ Yawɛ de lɛ ke, “Yaa Hebron.”

Samuel II, 2:11

Nɛ David ye matsɛ ngɛ Hebron kɛ ha Yuda wɛtso ɔ jeha kpaago kɛ nyɔhiɔ ekpa.

Samuel II, 5:5

E hi Hebron kɛ ye Yuda nɔ matsɛ jeha kpaago kɛ fa; nɛ e hi Yerusalem kɛ ye Israel kɛ Yuda tsuo a nɔ matsɛ jeha nyingmi etɛ kɛ etɛ.

Matsɛmɛ I, 1:11

Kɛkɛ nɛ Natan ya de Salomo nyɛ Batsheba ke, “Anɛ o le kaa Hagit binyumu Adoniya ngɛ matsɛ yee be mi nɛ wa nyɔmtsɛ David li he nɔ́ ko lo?

Matsɛmɛ I, 1:34

nɛ osɔfo Zadok, kɛ gbalɔ Natan nɛ a pɔ lɛ nu ngɛ lejɛ ɔ, nɛ a wo lɛ matsɛ, nɛ e ye Israel nɔ. Lɔ ɔ se ɔ, nyɛ kpa titimati, nɛ nyɛ he ose ke, ‘Matsɛ Salomo yi nɛ na wami!’

Matsɛmɛ II, 9:13

Amlɔ nɔuu ɔ, Yehu nyɛmimɛ asafoatsɛmɛ ɔmɛ je a he tade ɔmɛ, nɛ a kɛ ha kpoku ɔ nɔ ha lɛ nɛ e da nɔ. A kpa titimati nɛ a de ke, “Yehu ji matsɛ!”

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Kronika I, 12:38

Ta buli nɛ ɔmɛ tsuo pɛpɛɛpɛ mia, nɛ a pee a nya kake, nɛ a ho Hebron ya, konɛ a ya wo David Israel nɔ matsɛ ngɛ lejɛ ɔ. Israel ma nɛ piɛ ɔ tsuo fi a se.