Samuel II, 15:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, Absalom ba na lɛ nitsɛ e ta zugba lɛ kɛ e he okpɔngɔhi, kɛ nyumuhi nyingmi enuɔ nɛ maa hi fo tue ngɛ e hɛ mi.

Samuel II, 15:1 ပူးပေါင်းရင်းမြစ်များ

Samuel II, 12:11

Nɔ́ nɛ Yawɛ ngɛ mo dee ji nɛ ɔ nɛ: ‘Ma ha mo nitsɛ o we ɔ mi no ko ma tsɔ atuã kɛ wo mo. Ma kpɔ o yi ɔmɛ ngɛ o dɛ hɛ mi paa, nɛ ma ngɔ mɛ ngɔ ha o nyɛmi ko; nɛ e kɛ mɛ maa hwɔ piani katakata.

Matsɛmɛ I, 1:33

e de mɛ ke, “Nyɛɛ ngɔ Salomo, kɛ ye tsɔli ɔmɛ kɛ ya Gihon. Salomo nɛ hi imi nitsɛ ye teji okpɔngɔ ɔ nɔ,

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

Abɛ Womi 11:2

Hɛ mi si puemi nyɛɛɔ he nɔ womi se. Nɔ nɛ baa e he si ɔ, e le nɔ́.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 17:19

Nɔ nɛ suɔ nɛ e tɔ̃ nɔ nɔ be tsuaa be ɔ, pɛ wolɔ ji lɛ; nɛ nɔ nɛ fĩaa hu, hɛ mi kpatami e ngɛ hlae ɔ nɛ.

Mose V, 17:16

Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Samuel I, 8:11

E de mɛ ke, “Matsɛ ɔ nɛ ma ba ye nyɛ nɔ ɔ, bɔ nɛ e maa pee nyɛ ji nɛ ɔ nɛ. E maa ngɔ nyɛ binyumu ɔmɛ ngɔ pee e ta buli; ni komɛ maa hi e ta zugba lɛ ɔmɛ a mi, ni komɛ maa hi e ta okpɔngɔ ɔmɛ a nɔ, nɛ ni komɛ hu maa hi fo tue ngɛ ta zugba lɛ ɔmɛ a hɛ mi.