Samuel II, 14:7 - BAIBLO ALOO NGMAMI KLƆUKLƆU Ɔ

⁷ Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Samuel II, 14:7 ပူးပေါင်းရင်းမြစ်များ

Mose IV, 35:19

Nɔ nɛ a gbe ɔ nyɛmi tutuutu ji muɔ he lue yelɔ ɔ nɛ. Be tsuaa be nɛ e maa na nɔ nɛ gbe e nyɛmi ɔ, e gbe lɛ.

Mateo 21:38

Se benɛ huli ɔmɛ na e bi ɔ mohu ɔ, a de a he ke, ‘Ɛhɛɛ, ní yelɔ ɔ ji nɛ ɔ nɛ! Nyɛɛ ba; nyɛ ha waa gbe lɛ nɛ wa nine nɛ su e weto ní ɔ nɔ!’

Samuel II, 12:17

David we ɔ mi nimeli ɔmɛ maa ya e ngɔ, nɛ a ma ya fa kue ha lɛ kaa e maa te si ngɛ zugba a lo; se e kplɛɛ we, nɛ e kɛ mɛ yi ní hulɔ.

Mose V, 25:6

Kekleekle binyumu nɛ e ma fɔ ɔ, é ye nyɛminyumu nɛ gbo ɔ nane mi, konɛ e biɛ ko laa ngɛ Israel.

Mose I, 27:45

nɛ e hɛ maa je nɔ́ nɛ o pee lɛ ɔ nɔ. Lɔ ɔ se ɔ, ma tsɔ nɛ a ba ngɔ mo kɛ ba. Mɛni he je ye bimɛ enyɔ ɔmɛ tsuo a yi maa ta ligbi kake too?”

Mose I, 4:14

Mwɔnɛ ɔ, o fie mi kɛ je zugba a nɔ, nɛ i be o hɛ mi bae hu. Ma bɔ kó, nɛ ma wo lalaalo ngɛ je ɔ mi; nɛ nɔ tsuaa nɔ nɛ maa na mi ɔ maa gbe mi.”

Samuel II, 14:6

I kpa mo pɛɛ, i ngɛ binyumuwi enyɔ. Ligbi ko ɔ, pɛ ba sɛ a kpɛti ngɛ nga nɔ. Akɛnɛ nɔ ko be lejɛ ɔ nɛ ma kpata mɛ he je ɔ, nɔ kake fia e nyɛmi ɔ nɔ nɛ e gbe lɛ.

Samuel II, 14:8

Matsɛ ɔ de yo ɔ ke, “Moo kpale kɛ ho we mi ya; ma ye o sane ɔ ha mo.”