Samuel II, 14:32 - BAIBLO ALOO NGMAMI KLƆUKLƆU Ɔ

³² Absalom he nɔ ke, “Ejakaa i tsɔ ba tsɛ mo, nɛ o bɛ. Jinɛ i ngɛ hlae nɛ ma tsɔ mo matsɛ ɔ ngɔ nɛ o ya bi lɛ ha mi ke, ‘Mɛni he je i je Geshur kɛ ba hiɛ ɔ? Kaa i ngɛ lejɛ ɔ mohu kɛ ba si piɔ jinɛ i ko suɔ.’ ” Absalom ya nɔ nɛ e de ke, “I suɔ nɛ o ya sɛ mi matsɛ ɔ ngɔ; nɛ ke e ba mi kaa i ye fɔ ɔ, lɛɛ e gbe mi.”

Samuel II, 14:32 ပူးပေါင်းရင်းမြစ်များ

Mose I, 3:12

Nyumu ɔ he nɔ ke, “Yo ɔ nɛ o ngɔ ba piɛ ye he ɔ, lɛ nɛ ha mi tso ɔ yiblii ɔ eko nɛ i ye.”

Samuel II, 13:37

Absalom tu fo kɛ ho Geshur matsɛ Talmai, nɛ ji Amihud binyumu ɔ ngɔ ya; nɛ e ya hi lejɛ ɔ jeha etɛ. David ye e binyumu Amnon he kɔmɔ be babauu.

Samuel II, 14:31

Kɛkɛ nɛ Yoab ba Absalom ngɔ ngɛ e we ɔ mi, nɛ e ba bi lɛ ke, “Mɛni he nɛ o tsɔli ɔmɛ ya sã ye ngmɔ ɔ?”

Samuel II, 3:3

enyɔne ɔ ji Kileab nɛ David kɛ Nabal nɛ je Karmel e yalɔyo Abigail fɔ ɔ; etɛne ɔ ji Absalom, Geshur matsɛ, Talmai biyo Maaka bi ɔ;

La 36:2

E buɔ e he ní lelɔ, nɛ e susuɔ kaa a be e he yayami ɔ nae, nɛ a be e tue gblae hulɔ.

Mose II, 14:12

Enɛ ɔ he nɛ wa de mo ngɛ Egipt ke o ngmɛɛ wa he nɛ wa sɔmɔ Egipt bi ɔmɛ ɔ nɛ; ejakaa afani nɛ wa ma sɔmɔ Egipt bi ɔmɛ pe kaa wa ma gbo tlɔ nga pa.”

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Mateo 25:44

“Kɛkɛ ɔ, mɛ hu a ma bi ke, ‘Nyɔmtsɛ, mɛni be wa na mo nɛ hwɔ ngɛ mo yee, aloo kuma ngɛ mo yee, aloo kaa nubwɔ ji mo, aloo o hɛɛ o he gu, aloo o be he wami, aloo a wo mo tsu, nɛ wa ba ji ngmlaa ha mo ɔ?’

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Samuel I, 15:13

Benɛ Samuel ba su Saul ngɔ ɔ, Saul fɔ lɛ nɛ e de lɛ ke, “Yawɛ nɛ e gbaa mo! I ye Yawɛ fami ɔ nɔ.”

Samuel I, 20:8

Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”