Samuel II, 14:26 - BAIBLO ALOO NGMAMI KLƆUKLƆU Ɔ

²⁶ E yi hɛɔ saminya, nɛ e yi bwɔmi ɔ hii lɛ gbee loko e sãã nɔ; daa jeha nyagbe loko e sãã e yi nɔ. Ke e sã e yi nɔ ɔ, e yi bwɔmi nɛ pueɔ si ɔ jiimi maa su kilo enyɔ, loo nɔ́ ngɛ matsɛ sɛni tɛ ɔ nya.

Samuel II, 14:26 ပူးပေါင်းရင်းမြစ်များ

Ezekiel 44:20

“Osɔfo ɔmɛ ko sã a yi nɔ kpalokpalo, nɛ a ko ngmɛɛ a yi bwɔmi he nɛ e ka gagaa hulɔ. A dla a yi ɔ he bɔ nɛ sa kɛkɛ.

1 Korintobi 11:14

Hyɛ, anɛ adebɔ nitsɛ tsɔɔ we nyɛ kaa ke nyumu fia e yi kusuu ɔ, e ngɛ zo lo?

Samuel II, 18:9

Absalom kɛ David tsɔli ɔmɛ ya kpe tlukaa. Absalom hi e teji okpɔngɔ ɔ nɔ kɛ ya gu tso ngua a ko sisi. E yi ya bɛ tso kɔni kusuu ɔmɛ, nɛ e nɔmlɔ tso ɔ kplaa si ngɛ kɔɔhiɔ mi be mi nɛ teji okpɔngɔ ɔ lɛɛ e je e sisi kɛ ho.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Mose III, 19:36

Nyɛɛ ngɔ sɛnihi, sɛni tɛhi, kɛ susumi níhi nɛ da kɛ tsu ní. Imi ji Yawɛ, nyɛ Mawu ɔ nɛ je nyɛ kɛ je Egipt zugba a nɔ ɔ nɛ.

Mose I, 23:16

Abraham kplɛɛ nɔ, nɛ e ngmɛ sika hiɔ ɔ kaa bɔ nɛ Efron de nɛ Hit bi ɔmɛ nu ɔ: sika hiɔ yi lafa eywiɛ, kaa bɔ nɛ jua yeli ɔmɛ po ngɔ fɔ si ɔ.