Samuel II, 14:2 - BAIBLO ALOO NGMAMI KLƆUKLƆU Ɔ

² lɔ ɔ he ɔ, e tsɔ kɛ ho Tekoa ya nɛ a ya ngɔ yo ní lelɔ ko kɛ je lejɛ ɔ kɛ ba. Benɛ yo ɔ ba a, Yoab de lɛ ke, “Mo bu ya bo, nɛ o buá nɛ o pee o ní kaa nɔ nɛ ngɛ ya nyɛe. Mo ko kpa nu, se mohu o pee o ní kaa yo nɛ nɔ gbo lɛ nɛ e ngɛ ya nyɛe ligbi babauu.

Samuel II, 14:2 ပူးပေါင်းရင်းမြစ်များ

Kronika II, 11:6

Betlehem, Etam, Tekoa,

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Rut Womi 3:3

Moo bu tue! Moo du o he, nɛ o kpa nu, nɛ o bu bo, nɛ o pue nɔ kɛ ya ngma mi sami he ɔ. Mo ko je o he si ha lɛ kɛ yaa si be nɛ e maa ye ní gbe nya nɛ e maa hwɔ si.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Nehemia 3:5

Gbogbo ɔ he nɛ tsa nɔ ɔ, Tekoa bi nɛ fia. Se Tekoa ma nimeli ɔmɛ lɛɛ, ní tsumi nɛ a nɔ hyɛli ɔmɛ ha mɛ ke a tsu ɔ, a kua tsumi.

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

Samuel II, 12:20

Kɛkɛ nɛ David te si ngɛ zugba, nɛ e ya du e he, nɛ e kpa nu, nɛ e tsake e tade ɔmɛ. Lɔ ɔ se ɔ, e ho Yawɛ we ɔ ya, nɛ e ya ja Mawu. Benɛ e kpale kɛ ba lɛ nitsɛ e we ɔ mi ɔ, e ha nɛ a pee niye ní ha lɛ, nɛ e ye.

Mateo 6:17

Se nyɛɛ lɛɛ ke nyɛ ngɛ hwɔ hae ɔ, nyɛ dla nyɛ yi bwɔmi, nɛ nyɛ fɔ nyɛ hɛ mi.

Fiɛlɔ 9:8

Wo tade hiɔ be tsuaa be, nɛ o ko ha nɛ nu nɛ ta o yi mi.

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Nehemia 3:27

Tekoa bi ɔmɛ fia gbogbo ɔ fa ko nɛ tsa nɔ ɔ. A fia fa enyɔne ɔ nɛ a ha mɛ ɔ, kɛ je mɔ ngua a nɛ ngɛ Yawɛ we ɔ hanɔ ɔ he, kɛ ya gbogbo ɔ nɛ ngɛ Ofel kasa nya a tɔɔ.

Samuel II, 11:26

Benɛ Uria yo ɔ nu kaa e huno Uria gbo ɔ, e nyɛ ya ha lɛ.

Samuel II, 20:16

Kɛkɛ nɛ yo ní lelɔ ko kpa bubuubui kɛ je ma a mi, nɛ e de ke, “Nyɛɛ bu tue! Nyɛɛ bu tue! Nyɛ ya de Yoab ke e ba hiɛ ɔ nɛ i kɛ lɛ waa tu munyu.”

Matsɛmɛ I, 14:2

Yeroboam de e yo ɔ ke, “Mo tsake o he, nɛ nɔ ko kó le kaa ye yo ji mo, nɛ o ya Shilo, he nɛ gbalɔ Ahiya ngɛ ɔ. Lɛ ji nɔ nɛ de mi be ko ke i ma ba ye tsɛ ngɛ Israel ɔ nɛ.

Matsɛmɛ I, 14:5

Se Yawɛ de lɛ to momo kaa Yeroboam yo ɔ ma nɛ e ba bi lɛ ga womi ngɛ e binyumu ɔ nɛ be he wami ɔ he. Nɛ Yawɛ tsɔɔ Abiya bɔ nɛ e de yo ɔ. Benɛ Yeroboam yo ɔ ba su we ɔ mi ɔ, e buá pee e he kaa nɔ kpa ko.

Mose I, 38:19

Tamar je kɛ ho we mi ya, nɛ e ya je e hɛ mi hami nɔ́ ɔ ngɔ fɔ si, nɛ e bu e yalɔyo bo ɔ.