Samuel II, 14:19 - BAIBLO ALOO NGMAMI KLƆUKLƆU Ɔ

¹⁹ Matsɛ ɔ bi lɛ ke, “Anɛ Yoab le ní nɛ ɔmɛ tsuo a he nɔ́ ko lo?” Yo ɔ he nɔ ke, “I na nɛnɛ, kaa nɔ ko nɔ ko be nyɛe maa je nɔ́ nɛ o de nɛ ɔ he nɔ́. O tsɔlɔ Yoab tutuutu ji nɔ nɛ tsɔ mi; nɛ lɛ nɔuu nɛ e tsɔɔ mi nɔ́ nɛ ma ba de mo ɔ nɛ.

Samuel II, 14:19 ပူးပေါင်းရင်းမြစ်များ

Samuel II, 14:3

Lɔ ɔ se ɔ, yaa matsɛ ɔ ngɔ nɛ o ya de lɛ nɔ́ nɛ ma de mo nɛ ɔ.” Kɛkɛ nɛ Yoab de yo ɔ nɔ́ nɛ e ya de matsɛ ɔ.

Samuel I, 1:26

Hana de lɛ ke, “I kpa mo pɛɛ, ye nyɔmtsɛ, o kai mi lo? Imi ji yo ɔ nɛ o na be ko nɛ i daa si ngɛ hiɛ ɔ nɛ i ngɛ kue fae ha Yawɛ ɔ nɛ.

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Abɛ Womi 4:27

Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.

Matsɛmɛ II, 2:2

Ngɛ blɔ ɔ nɔ ɔ, Eliya de Elisha ke, “Yawɛ tsɔ mi Betel; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Betel ya.

Samuel II, 11:11

Uria he nɔ ke, “Israel kɛ Yuda tsuo ngɛ ta hwue, nɛ somi daka a ngɛ a ngɔ. Jehanɛ, ye nyɔmtsɛ Yoab kɛ e we asafoatsɛmɛ ɔmɛ hu pueɔ si ngɛ nga a nɔ; nɛ imi lɛɛ ma ya we mi nɛ ma ya ye ní, nɛ ma nu dã, nɛ i kɛ ye yo ya hwɔ si lo? I na o nane kaa i be nɔ́ nɛ ɔ pee!”

Samuel II, 3:34

O nine ɔmɛ ɔ, a tsa fi we mɛ; o nane ɔmɛ hu, a wui mɛ pã. Bɔ nɛ dikali taneɔ nɔ yi ɔ, ja pɛ a gbe mo nɛ ɔ nɛ.” Ma a tsuo wo yana ha Abner ekohu.

Samuel II, 3:29

Musu ɔ nɛ tloo Yoab kɛ e tsɛ we ɔ tsuo. Se tso mi hiɔtsɛ, loo nɔ ko nɛ he womi nɔ hiɔ yaya ngɛ e he, loo nyumu nɛ peeɔ e ní kaa yo, loo nɔ nɛ a gbe lɛ ngɛ ta mi, loo hwɔ yeyeetsɛ kó ta Yoab kɛ e nina a we mi gblegbleegble.”

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 20:3

Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

Samuel I, 17:55

Benɛ David yaa nɛ e kɛ Filisti no ɔ ya kpe ɔ, Saul bi e tatsɛ, Abner ke, “Abner, mɛnɔ bi ji kikɛmɛ a niheyo nɛ ɔ?” Abner he nɔ ke, “Nɛnɛ, i na o nane kaa i li.”

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Mose V, 28:14

Nyɛ ko kpale kɛ je mlaa nɛ ɔmɛ a he kɔkɔɔkɔ; nyɛ ko ya ja mawu kpahi, nɛ nyɛ ko sɔmɔ mɛ hulɔ.

Mose V, 5:32

“Israel ma, i ngɛ nyɛ dee ke nyɛɛ hyɛ saminya, nɛ nyɛɛ ye nɔ́ tsuaa nɔ́ nɛ Yawɛ, nyɛ Mawu ɔ ngɛ nyɛ fae ke nyɛɛ pee ɔ nɔ. Nyɛ ko gbo e mlaa amɛ ekoeko tue.

Mose IV, 20:17

Wa kpa mo pɛɛ, ha nɛ waa gu o zugba a nɔ kɛ be. Wa be ngmɔ, loo wai abɔɔ ko mi gue; wa be vu ko vu ko mi nyu nue. Matsɛ gbɛjegbɛ ɔ nɔ kɛkɛ wa maa nyɛɛ tɛɛ kɛ yaa si wa maa po mi ngɛ o zugba a nɔ.”

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

Samuel II, 14:18

Kɛkɛ nɛ matsɛ ɔ de yo ɔ ke, “Nɔ́ nɛ ma bi mo nɛ ɔ, moo tu mi anɔkuale.” Yo ɔ de lɛ ke, “Nɛnɛ, mo de.”

Samuel II, 18:13

Kaa i ya pee lɛ nɔ́ yayami ko, nɛ munyu nɛ ɔ ba su matsɛ ɔ, akɛnɛ matsɛ tue kle he je ɔ, mo nitsɛ po o ko fa we ye he.”

Abɛ Womi 25:2

Hɛ mi nyami sa Mawu kaa e ngɔɔ níhi kɛ laa wɔ; matsɛmɛ lɛɛ bu sa mɛ, ejakaa a hyɛɔ níhi a mi fitsofitso.